ಸಣ್ಣ ರಾಕೆಟ್‌ ಉಡಾವಣೆ ಮಾಡಲಿರುವ ಇಸ್ರೋ

Team Udayavani, Sep 17, 2018, 11:05 AM IST

ಹೊಸದಿಲ್ಲಿ: ಇಸ್ರೋ ಮುಂದಿನ ವರ್ಷ ತನ್ನ ಮೊದಲ ಸಣ್ಣ ರಾಕೆಟ್‌ ಉಡಾವಣೆ ಮಾಡಲಿದೆ. 500 ಕಿಲೋ ತೂಕದ ಸ್ಯಾಟಲೈಟ್‌ಗಳನ್ನು ಈ ರಾಕೆಟ್‌ ಉಡಾವಣೆ ಮಾಡಲಿದ್ದು, ಪಿಎಸ್‌ಲ್‌ವಿ ಬದಲಿಗೆ ಎಸ್‌ಎಸ್‌ಎಲ್‌ವಿಯನ್ನು ಬಳಸಲಾಗುತ್ತದೆ. 10ರಿಂದ 500 ಕಿಲೋವರೆಗಿನ ಹಲವು ಸ್ಯಾಟಲೈಟ್‌ಗಳನ್ನು ಹೊತ್ತೂಯ್ಯುವ ಸಾಮರ್ಥ್ಯ ಇದಕ್ಕಿರಲಿದೆ.
ಸಣ್ಣ ಸ್ಯಾಟಲೈಟ್‌ ಉಡಾಯಿಸಬಹುದಾದ ಎಸ್‌ಎಸ್‌ಎಲ್‌ವಿ ತಯಾರಿಕೆಯ ವೆಚ್ಚ ಅತ್ಯಂತ ಕಡಿಮೆ. ಸಣ್ಣ ಸ್ಯಾಟಲೈಟ್‌ಉಡಾವಣೆ ಅವಕಾಶ ವ್ಯಾಪಕವಾಗಿದ್ದು, ಹಲವು ಖಾಸಗಿ ಸಂಸ್ಥೆಗಳು ಸ್ಯಾಟಲೈಟ್‌ಗಳನ್ನು ಕಕ್ಷೆಗೇರಿಸಲು ಇದನ್ನು ಬಳಸಿಕೊಳ್ಳಬಹುದು. ಸದ್ಯ ಇದನ್ನು ಶ್ರೀ ಹರಿಕೋಟಾ ನೆಲೆಯಿಂದಲೇ ಉಡಾವಣೆ ಮಾಡಲಾಗುತ್ತದೆ ಎಂದು ಇಸ್ರೋ ಮುಖ್ಯಸ್ಥ ಕೆ.ಶಿವನ್‌ ಹೇಳಿದ್ದಾರೆ. ಆದರೆ ಈ ಎಸ್‌ಎಸ್‌ಎಲ್‌ವಿಗೆ ಪ್ರತ್ಯೇಕ ಉಡಾವಣಾ ನೆಲೆ ಅಗತ್ಯವಿದೆ ಎಂದು ಇಸ್ರೋದ ಅಂತರಿಕ್‌ ವಿಭಾಗದ ಮುಖ್ಯಸ್ಥ ಎಸ್‌.ರಾಕೇಶ್‌ ಹೇಳಿದ್ದಾರೆ.