ಕೊರೊನಾ ಪೀಡಿತ ಇರಾನ್ ನಿಂದ 58 ಭಾರತೀಯರನ್ನು ಕರೆತಂದ IAF ಗ್ಲೋಬ್ ಮಾಸ್ಟರ್

Team Udayavani, Mar 10, 2020, 11:53 AM IST

ನವದೆಹಲಿ: ಕೊರೊನಾ ವೈರಸ್ ಪೀಡಿತ ಇರಾನ್ ನಿಂದ 58 ಯಾತ್ರಿಕರನ್ನು ಭಾರತಕ್ಕೆ ವಾಪಾಸು ಕರೆತರಲಾಗಿದೆ. ಭಾರತೀಯ ವಾಯುಸೇನೆಯ ಮಿಲಿಟರಿ ವಿಮಾನ ಸಿ-17 ಗ್ಲೋಬ್ ಮಾಸ್ಟರ್ ಇದೀಗ ಪ್ರಥಮ ಸುತ್ತಿನಲ್ಲಿ ಈ ಭಾರತೀಯ ಯಾತ್ರಿಕರನ್ನು ಕರೆತಂದಿದೆ. ಈ ಯಾತ್ರಿಕರನ್ನು ಹೊತ್ತ ಮಿಲಿಟರಿ ಮಿಮಾನ ಗಾಝಿಯಾಬಾದ್ ನಲ್ಲಿರುವ ಹಿಂಡೋನ್ ವಾಯುನೆಲೆಗೆ ಇಂದು ಬಂದಿಳಿದಿದೆ.

ಇರಾನ್ ನಲ್ಲಿ ಸಂಕಷ್ಟದಲ್ಲಿದ್ದ 58 ಭಾರತೀಯ ಯಾತ್ರಿಕರನ್ನು ಹೊತ್ತ ಈ ವಿಮಾನ ಉದ್ದೇಶಿತ ವಾಯುನೆಲೆಯಲ್ಲಿ ಯಶಸ್ವಿಯಾಗಿ ಬಂದಿಳಿಯುತ್ತಿದ್ದಂತೆ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್ ಅವರು ‘ಮಿಷನ್ ಕಂಪ್ಲೀಟೆಡ್‍’ ಎಂದು ಟ್ವೀಟ್ ಮಾಡಿದ್ದಾರೆ.

Thanks to the efforts of our Embassy @India_in_Iran and Indian medical team there, operating under challenging conditions. Thank you @IAF_MCC. Appreciate cooperation of Iranian authorities.

We are working on the return of other Indians stranded there.

— Dr. S. Jaishankar (@DrSJaishankar) March 10, 2020