ISS ತೆರಳಲಿರುವ ಭಾರತದ ಗಗನಯಾತ್ರಿ

Team Udayavani, Aug 3, 2024, 6:18 AM IST

ಹೊಸದಿಲ್ಲಿ: ಮುಂಬರುವ ಭಾರತ-ಅಮೆರಿಕ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ(ಐಎಸ್‌ಎಸ್‌) ಯೋಜನೆಗೆ ಅತ್ಯಂತ ಕಿರಿಯ ಗಗನಯಾತ್ರಿಯಾದ ಗ್ರೂಪ್‌ ಕ್ಯಾಪ್ಟನ್‌ ಶುಭಾಂಶು ಶುಕ್ಲಾ ಅವರನ್ನು ನಿಯೋಜಿತ “ಮುಖ್ಯ’ ಗಗನಯಾತ್ರಿಯಾಗಿ ಭಾರತೀಯ ಬಾಹ್ಯಾಕಾಶ ಸಂಶೋಧನ ಸಂಸ್ಥೆ(ಇಸ್ರೋ) ಆಯ್ಕೆ ಮಾಡಿದೆ. ಬ್ಯಾಕ್‌ ಅಪ್‌ ಗಗನಯಾತ್ರಿಯಾಗಿ ಗ್ರೂಪ್‌ ಕ್ಯಾಪ್ಟನ್‌ ಪ್ರಶಾಂತ್‌ ಬಾಲಕೃಷ್ಣ ನಾಯರ್‌ರನ್ನು ಆಯ್ಕೆ ಮಾಡಲಾಗಿದೆ.

ಮುಖ್ಯ ಗಗನಯಾತ್ರಿಯು ಪೈಲಟ್‌ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. ಕೊನೆ ಕ್ಷಣದಲ್ಲಿ ಏರುಪೇರಾದರೆ ಬ್ಯಾಕ್‌ ಅಪ್‌ ಗಗನಯಾತ್ರಿಯು ಹಾರಾಟ ಮುನ್ನಡೆ ಸಲಿದ್ದಾರೆ. ಉತ್ತರ ಪ್ರದೇಶದ ಶುಭಾಂಶು ಶುಕ್ಲಾ, ಸುಖೋಯಿ-30ಎಂಕೆಐ, ಮಿಗ್‌-21, ಮಿಗ್‌-29, ಜಾಗ್ವಾರ್‌ ಸೇರಿ ವಿವಿಧ ಮಾದರಿಯ ವಿಮಾನಗಳ ಹಾರಾಟ ನಡೆಸಿದ್ದಾರೆ. ಒಟ್ಟು 2000 ಗಂಟೆ ಹಾರಾಟ ನಡೆಸಿದ ಅನುಭವವಿದೆ. ಐಎಸ್‌ಎಸ್‌ಗಾಗಿ ಅಮೆರಿಕ ಆಕ್ಸಿಯಂ- 4 ಯೋಜನೆ ಹಮ್ಮಿಕೊಂಡಿದೆ. ಈ ಸಂಬಂಧ ನಾಸಾದೊಂದಿಗೆ ಇಸ್ರೋ ಸ್ಪೇಸ್‌ಫ್ಲೈಟ್‌ ಒಪ್ಪಂದ ಮಾಡಿಕೊಂಡಿ ದೆ. ಅದರ ಭಾಗವಾಗಿಯೇ ಐಎಸ್‌ಎಸ್‌ಗೆ ಶುಭಾಂಶು ಅವರನ್ನು ಇಸ್ರೋ ಕಳುಹಿಸುತ್ತಿದೆ.