ರಿಷಬ್ ಶೆಟ್ಟಿ ನಿರ್ಮಾಣದ ಶಿವಮ್ಮ ಸಿನಿಮಾಗೆ ಅಂತಾರಾಷ್ಟ್ರೀಯ ಅವಾರ್ಡ್

Team Udayavani, Oct 15, 2022, 8:31 PM IST

ನವದೆಹಲಿ: ಚಂದನವನದ ನಟ, ನಿರ್ದೇಶಕ ರಿಷಬ್‌ ಶೆಟ್ಟಿ ಬಂಡವಾಳ ಹೂಡಿರುವಂತಹ “ಶಿವಮ್ಮ’ ಸಿನಿಮಾಕ್ಕೆ 2022ನೇ ಬೂಸನ್‌ ಚಲನಚಿತ್ರೋತ್ಸವದಲ್ಲಿ ಪ್ರಶಸ್ತಿ ಲಭಿಸಿದೆ.

ಹಾಗೆಯೇ ಆಮಿರ್‌ ಬಶೀರ್‌ ನಿರ್ದೇಶನದ “ದಿ ವಿಂಟರ್‌ ವಿತಿನ್‌’ ಸಿನಿಮಾ ಕೂಡ ಪ್ರಶಸ್ತಿಯ ಗರಿಯನ್ನು ಮುಡಿಗೇರಿಸಿಕೊಂಡಿದೆ.

ಶಿವಮ್ಮ ಸಿನಿಮಾವನ್ನು ಜೈಶಂಕರ್‌ ಆರ್ಯರ್‌ ನಿರ್ದೇಶಿಸಿದ್ದು, ಶರಣಮ್ಮ ಛೆಟ್ಟಿ ಹಾಗೂ ಚೆನ್ನಮ್ಮ ಅಬ್ಬೆಗೆರೆ ಅಭಿನಯಿಸಿದ್ದಾರೆ.

ಮಧ್ಯಮ ವಯಸ್ಸಿನ ಬಡ ಹೆಣ್ಣು ಮಗಳೊಬ್ಬಳು ಪಾನೀಯದ ಕಂಪನಿಗೆ ಮಾರಾಟ ಪ್ರತಿನಿಧಿಯಾಗಿ ಅನುಭವಿಸುವ ಅನುಭವಗಳ ಕಥೆ ಈ ಸಿನಿಮಾದಲ್ಲಿದೆ.

ಏಷ್ಯಾದ ಹೊಸ ನಿರ್ದೇಶಕರುಗಳ ಮೊದಲನೇ ಮತ್ತು 2ನೇ ಸಿನಿಮಾವನ್ನು ಗಣನೆಗೆ ತೆಗೆದುಕೊಂಡಿದ್ದ ವಿಭಾಗದಲ್ಲಿ ಈ ಎರಡೂ ಸಿನಿಮಾಗಳಿಗೆ ಅತ್ಯುತ್ತಮ ಸಿನಿಮಾಗಳೆಂಬ ಪ್ರಶಸ್ತಿ ಬಂದಿದೆ.

ಪ್ರಶಸ್ತಿಯ ಮೊತ್ತ ತಲಾ 27 ಲಕ್ಷ ರೂ.(30 ಸಾವಿರ ಡಾಲರ್‌)ಗಳಾಗಿವೆ.