74 ರೂ. ದಾಟಿದ ಡಾಲರ್‌ ಮೌಲ್ಯ

Team Udayavani, Oct 9, 2018, 9:25 AM IST

ಮುಂಬಯಿ: ಅಮೆರಿಕ ಡಾಲರ್‌ ವಿರುದ್ಧ ರೂಪಾಯಿ ಕುಸಿತ ಮುಂದುವರಿದಿದೆ. ಸೋಮವಾರ 30 ಪೈಸೆ ಏರಿಕೆ ಕಂಡು 74.06ಕ್ಕೆ ರೂಪಾಯಿ ಮೌಲ್ಯ ಕುಸಿದಿದೆ. ಕಳೆದ ನಾಲ್ಕು ಸೆಷನ್‌ನಿಂದಲೂ ರೂಪಾಯಿ ಸತತ ಕುಸಿತ ಕಾಣುತ್ತಿದೆ. ಶುಕ್ರವಾರ 18 ಪೈಸೆ ಏರಿಕೆ ಕಂಡ ರೂಪಾಯಿ, 73.76ಕ್ಕೆ ಮೌಲ್ಯ ಕುಸಿದಿತ್ತು. ಇದೇ ಮೊದಲ ಬಾರಿಗೆ ರೂಪಾಯಿ ಮೌಲ್ಯ 74 ಕ್ಕೆ ಕುಸಿದಿದ್ದು, ಅಮೆರಿಕದ ಡಾಲರ್‌ ಚೇತರಿಸಿಕೊಳ್ಳುತ್ತಿರುವುದೇ ಇದಕ್ಕೆ ಕಾರಣ ಎನ್ನಲಾಗಿದೆ.

ಅಮೆರಿಕದ ಆರ್ಥಿಕತೆ ಸುಸ್ಥಿರಗೊಳ್ಳುತ್ತಿರುವುದರಿಂದಾಗಿ ವಿದೇಶಿ ಹೂಡಿಕೆದಾರರು ಮರಳಿ ಅಮೆರಿಕದ ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುತ್ತಿದ್ದಾರೆ. ಹೀಗಾಗಿ ರೂಪಾಯಿ ಮೌಲ್ಯ ಕುಸಿತ ಕಾಣುತ್ತಿದೆ. ಇನ್ನೊಂದೆಡೆ ಸೋಮವಾರ ಷೇರು ಮಾರುಕಟ್ಟೆ ವಿಪರೀತ ಕುಸಿತದಿಂದ ಚೇತರಿಸಿಕೊಂಡಂತಿದ್ದು, ಸೋಮವಾರ ಸೆನ್ಸೆಕ್ಸ್‌ 97.39 ಅಂಕ ಏರಿಕೆ ಕಂಡು 34474.38 ಕ್ಕೆ ತಲುಪಿದೆ. ಇನ್ನೊಂದೆಡೆ ನಿಫ್ಟಿ ಕೂಡ 31.6 ಅಂಕ ಏರಿ, 10,348.05 ಕ್ಕೆ ಏರಿದೆ.