ನೌಕಾಪಡೆಯ ಮೊದಲ ಮಹಿಳಾ ಪೈಲಟ್‌ ಶುಭಾಂಗಿ

Team Udayavani, Nov 24, 2017, 7:45 AM IST

ಕಣ್ಣೂರು: ದೇಶದ ಇತಿಹಾಸದಲ್ಲೇ ಮೊದಲು ಭಾರತೀಯ ನೌಕಾಪಡೆಗೆ ಮಹಿಳೆಯರನ್ನು ಪೈಲಟ್‌ ಆಗಿ ನೇಮಕ ಮಾಡಿಕೊಳ್ಳಲಾಗಿದೆ. ಉತ್ತರ ಪ್ರದೇಶದ ಶುಭಾಂಗಿ ಸ್ವರೂಪ್‌ ನೌಕಾ ವಿಚಕ್ಷಣೆ ವಿಮಾನಗಳ ಹಾರಾಟ ನಡೆಸಲಿದ್ದಾರೆ. ಇವರ ಜತೆಗೆ ವಾಯುಪಡೆ ಶಸ್ತ್ರಾಸ್ತ್ರ ಮೇಲ್ವಿಚಾರಣೆ ಅಧಿಕಾರಿ ಹುದ್ದೆಗೆ ಮೂವರು ಮಹಿಳೆಯರನ್ನು ನೇಮಿಸಿ ಕೊಳ್ಳಲಾಗಿದೆ. 

ಹೊಸದಿಲ್ಲಿಯ ಆಸ್ಥಾ ಸೇಗಲ್‌, ಪುದುಚೇರಿಯ ರೂಪಾ. ಕೇರಳದ ಶಕ್ತಿ ಮಾಯಾ ನೇಮಕ ಗೊಂಡಿದ್ದಾರೆ. ತರಬೇತಿ ಕೋರ್ಸ್‌ ನಂತರ ಕಣ್ಣೂರಿನ ಇಳಿ ಮಲ ನಾವಲ್‌ ಅಕಾಡೆಮಿಯಲ್ಲಿ ನಿಯೋಜಿಸಲಾಗಿದೆ.

ವಾಯುಪಡೆ ಕಮಾಂಡರ್‌ ಪುತ್ರಿಯಾದ ಶುಭಾಂಗಿಗೆ ಪೈಲಟ್‌ ಆಗಬೇಕೆಂಬ ಕನಸಿತ್ತು. ಈಕೆ ಮೊದಲ ಮಹಿಳಾ ಪೈಲಟ್‌ ಆಗಿದ್ದರೂ, ಈ ವಿಭಾಗದಲ್ಲಿ ಇತರ ವಿವಿಧ ಹುದ್ದೆಗಳಲ್ಲಿ ಈಗಾಗಲೇ ಮಹಿಳೆಯರು ಕಾರ್ಯನಿರ್ವಹಿ ಸುತ್ತಿದ್ದಾರೆ. ಇವರನ್ನು ಸೇವೆಗೆ ಸಂಪೂರ್ಣವಾಗಿ ಬಳಸಿಕೊಳ್ಳುವ ಮುನ್ನ ಹಲವು ಹಂತದ ತರಬೇತಿ ನೀಡಲಾಗುತ್ತದೆ.