IndiGo Airlines ವಿಮಾನ ದಾರಿ ತಪ್ಪಿ ಪಾಕಿಸ್ತಾನದತ್ತ: ವರದಿ

Team Udayavani, Jun 11, 2023, 3:24 PM IST

ಹೊಸದಿಲ್ಲಿ: ಅಮೃತಸರದಿಂದ ಅಹಮದಾಬಾದ್‌ಗೆ ಹೊರಟಿದ್ದ ಇಂಡಿಗೋ ಏರ್‌ಲೈನ್ಸ್ ವಿಮಾನವು ಪ್ರತಿಕೂಲ ಹವಾಮಾನದಿಂದಾಗಿ ಲಾಹೋರ್ ಬಳಿ ಪಾಕಿಸ್ತಾನಕ್ಕೆ ತೆರಳಿತು. ಯಾವುದೇ ಅಡ್ಡಿಯಿಲ್ಲದೆ ಭಾರತೀಯ ವಾಯುಪ್ರದೇಶಕ್ಕೆ ಹಿಂತಿರುಗುವ ಮೊದಲು ಗುಜ್ರಾನ್‌ವಾಲಾಕ್ಕೆ ತೆರಳಿದೆ ಎಂದು ಭಾನುವಾರ ಮಾಧ್ಯಮ ವರದಿಯಿಂದ ತಿಳಿದು ಬಂದಿದೆ.

ಫ್ಲೈಟ್ ರಾಡಾರ್ ಪ್ರಕಾರ, 454 ನೆಲದ ವೇಗದಲ್ಲಿ ವಿಮಾನವು ಶನಿವಾರ ಸಂಜೆ 7:30 ರ ಸುಮಾರಿಗೆ ಲಾಹೋರ್‌ನ ಉತ್ತರಕ್ಕೆ ಪ್ರವೇಶಿಸಿತು ಮತ್ತು ರಾತ್ರಿ 8:01 ಕ್ಕೆ ಭಾರತಕ್ಕೆ ಮರಳಿತು ಎಂದು ಡಾನ್ ಪತ್ರಿಕೆ ವರದಿ ಮಾಡಿದೆ.ವಿಮಾನಯಾನ ಸಂಸ್ಥೆಯಿಂದ ಯಾವುದೇ ತತ್ ಕ್ಷಣದ ಪ್ರತಿಕ್ರಿಯೆ ಬಂದಿಲ್ಲ.

ನಾಗರಿಕ ವಿಮಾನಯಾನ ಪ್ರಾಧಿಕಾರದ (ಸಿಎಎ) ಹಿರಿಯ ಅಧಿಕಾರಿಯೊಬ್ಬರು, ಕೆಟ್ಟ ಹವಾಮಾನ ಪರಿಸ್ಥಿತಿಗಳಲ್ಲಿ ಇಂತಹದನ್ನು ಅಂತಾರಾಷ್ಟ್ರೀಯವಾಗಿ ಅನುಮತಿಸಲಾಗಿದೆ, ಇದು ಅಸಾಮಾನ್ಯವೇನಲ್ಲ ಎಂದು ವರದಿಯಲ್ಲಿ ಹೇಳಲಾಗಿದೆ.

ಮೇ ತಿಂಗಳಲ್ಲಿ, ಪಾಕಿಸ್ತಾನ ಇಂಟರ್‌ನ್ಯಾಶನಲ್ ಏರ್‌ಲೈನ್ಸ್ (ಪಿಐಎ) ವಿಮಾನವು ಭಾರತದ ವಾಯುಪ್ರದೇಶವನ್ನು ಪ್ರವೇಶಿಸಿತ್ತು, ಪಾಕಿಸ್ತಾನದಲ್ಲಿ ಭಾರೀ ಮಳೆಯಿಂದಾಗಿ ಸುಮಾರು 10 ನಿಮಿಷಗಳ ಕಾಲ ಅಲ್ಲಿಯೇ ಇತ್ತು.