ಭಾರತ-ಇಸ್ರೇಲ್‌ ನಡುವೆ ಬಾಹ್ಯಾಕಾಶ ಸಹಭಾಗಿತ್ವ

Team Udayavani, Feb 24, 2022, 6:30 AM IST

ನವದೆಹಲಿ: ಬಾಹ್ಯಾಕಾಶ ಅಧ್ಯಯನದಲ್ಲಿ ಜಂಟಿ ಸಹಭಾಗಿತ್ವ, ಒಟ್ಟಿಗೆ ಜತೆಗೂಡಿ ಕಾರ್ಯನಿರ್ವಹಿಸಲು ಇರುವ ಅವಕಾಶಗಳ ಬಗ್ಗೆ ಚರ್ಚಿಸುವ ಸಲುವಾಗಿ, ಬುಧವಾರ ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೋ) ಹಾಗೂ ಇಸ್ರೇಲ್‌ ಬಾಹ್ಯಾಕಾಶ ಸಂಸ್ಥೆ (ಐಎಸ್‌ಎ) ನಡುವೆ ಬೆಂಗಳೂರಿನಲ್ಲಿರುವ ಇಸ್ರೋ ಕೇಂದ್ರ ಕಚೇರಿಯಲ್ಲಿ ಮಹತ್ವದ ಸಭೆ ನಡೆದಿದೆ.

ಭಾರತದಲ್ಲಿರುವ ಇಸ್ರೇಲ್‌ ರಾಯಭಾರಿ ನೆಯೊರ್‌ ಗಿಲೊನ್‌, ಇಸ್ರೋ ಅಧ್ಯಕ್ಷ ಹಾಗೂ ಬಾಹ್ಯಾಕಾಶ ಇಲಾಖೆಯ ಕಾರ್ಯದರ್ಶಿ ಎಸ್‌. ಸೋಮನಾಥ್‌ ಸಭೆಯಲ್ಲಿ ಭಾಗವಹಿಸಿದ್ದರು.

ಬಾಹ್ಯಾಕಾಶ ವಿಜ್ಞಾನ ಕ್ಷೇತ್ರದಲ್ಲಿ ಭಾರತವು ಮತ್ತಷ್ಟು ಹೆಚ್ಚಿನ ಸಾಧನೆಗಳನ್ನು ಮಾಡಲು ಅನುವು ಮಾಡಿಕೊಡುವ ನಿಟ್ಟಿನಲ್ಲಿ ಸೂಕ್ತ ಕ್ರಮಗಳನ್ನು ಕೈಗೊಳ್ಳುವುದಾಗಿ ಪ್ರಧಾನಿ ನರೇಂದ್ರ ಮೋದಿ ಆಶ್ವಾಸನೆ ನೀಡಿರುವ ಹಿನ್ನೆಲೆಯಲ್ಲಿ ಈ ಸಭೆ ಪಡೆದುಕೊಂಡಿದೆ.

ಇದನ್ನೂ ಓದಿ:ಕಾಶ್ಮೀರದಲ್ಲಿ ಭಾರೀ ಹಿಮಪಾತ: ವಿಮಾನಗಳು ರದ್ದು, ಹೆದ್ದಾರಿ ಬಂದ್

ಕಳೆದ ವರ್ಷ ಇಸ್ರೋ, ಐಎಸ್‌ಎ, ಜಂಟಿಯಾಗಿ ಕೈಗೊಂಡಿರುವ ಪುಟಾಣಿ ಉಪಗ್ರಹಗಳಿಗಾಗಿ ಅಭಿವೃದ್ಧಿ ಪಡಿಸಲಾಗುತ್ತಿರುವ ಇಲೆಕ್ಟ್ರಿಕ್‌ ಪ್ರೊಪಲÒನ್‌ ಸಿಸ್ಟಂ (ಇಪಿಎಸ್‌) ಹಾಗೂ ಜಿಯೋ-ಲಿಯೋ (ಜಿಯೋ ಸಿಂಕ್ರನಸ್‌ ಅರ್ತ್‌ ಆರ್ಬಿಟ್‌- ಲೋ ಅರ್ತ್‌ ಆರ್ಬಿಟ್‌) ತಂತ್ರಜ್ಞಾನ ಅಭಿವೃದ್ಧಿಯನ್ನು ಪರಿಶೀಲನೆ ಮಾಡಿದ್ದವು.