ಐಎನ್‌ಎಸ್‌ ವಿರಾಟ್‌ ಇನ್ನು ಡೈವರ್ಸ್‌ ಸ್ಪಾಟ್‌?

Team Udayavani, Mar 7, 2017, 3:45 AM IST

ಮುಂಬೈ: ಆರು ದಶಕಗಳಿಂದ ದೇಶಕ್ಕಾಗಿ ದುಡಿದು ಸೋಮವಾರವಷ್ಟೇ ನಿವೃತ್ತಿ ಹೇಳಿದ ಐಎನ್‌ಎಸ್‌ ವಿರಾಟ್‌ ಯುದ್ಧನೌಕೆಯ ಆಕರ್ಷಣೆ ಕಾಯ್ದುಕೊಳ್ಳಲು ನೌಕಾದಳ ಮುಂದಾಗಿದೆ. 

“ವಿರಾಟ್‌ ನೌಕೆಯನ್ನು ನೀರಿನಲ್ಲಿ ಮುಳುಗಿಸಿ, ಡೈವರ್‌ಗಳಿಗೆ ಪ್ರವಾಸಿ ಕೇಂದ್ರವಾಗಿ ರೂಪಿಸಲು ಚಿಂತಿಸಲಾಗುತ್ತಿದೆ’ ಎಂದು ನೌಕಾದಳ ಮುಖ್ಯಸ್ಥ ಸುನಿಲ್‌ ಲಾನಾº ಹೇಳಿದ್ದಾರೆ. “ನಾಲ್ಕು ತಿಂಗಳಲ್ಲಿ ಯಾರೂ ಬಿಡ್‌ ಮಾಡದೆ ಇದ್ದರೆ ವಿರಾಟ್‌ನ ಪ್ರತಿ ಭಾಗಗಳನ್ನು ಕಳಚಿ, ಗುಜರಿಗೆ ಹಾಕುತ್ತೇವೆ. ಖರೀದಿಯಾದರೆ ಡೈವರ್‌ಗಳ ಪ್ರವಾಸಿ ತಾಣ ಮಾಡಲು ಸಹಕರಿಸುತ್ತೇವೆ. ಆಂಧ್ರ ಸರ್ಕಾರ  ಮ್ಯೂಸಿಯಂ ಮಾಡಲು ಸಲಹೆ ನೀಡಿತ್ತು. ಆದರೆ, ಇದರ ವೆಚ್ಚ 1 ಸಾವಿರ ಕೋಟಿ ರೂ. ದಾಟಲಿದೆ ಎಂದಿದ್ದಾರೆ. 1989ರಲ್ಲಿ ಶ್ರೀಲಂಕಾದಲ್ಲಿ ಶಾಂತಿ ನೆಲೆಸಲು ಹೋರಾಡುವಲ್ಲಿ, 2001ರಲ್ಲಿ ಪಾರ್ಲಿಮೆಂಟಿನ ಮೇಲೆ ದಾಳಿ ಆದಾಗಲೂ ವಿರಾಟ್‌ ಪ್ರಮುಖ ಪಾತ್ರ ವಹಿಸಿತ್ತು.