ISRO; ಚಂದ್ರಯಾನ-4ಗೆ ಎರಡು ರಾಕೆಟ್‌ಗಳ ಬಳಕೆ: ಬೇರೆ ಬೇರೆ ದಿನ ಹಾರಲಿವೆ

Team Udayavani, Mar 12, 2024, 6:30 AM IST

ಹೊಸದಿಲ್ಲಿ: ಚಂದ್ರನಲ್ಲಿರುವ ಕಲ್ಲಿನ ಮಾದರಿಗಳನ್ನು ಸಂಗ್ರಹಿಸಿ ಮರಳುವ ಯೋಜನೆಯಾದ ಚಂದ್ರಯಾನ-4 ಯೋಜನೆಗಾಗಿ ಇಸ್ರೋ 2 ರಾಕೆಟ್‌ಗ ಳನ್ನು ಬಳಕೆ ಮಾಡಲಿದೆ. ಒಂದೇ ಯೋಜನೆಗೆ 2 ರಾಕೆಟ್‌ ಬಳಕೆ ಮಾಡು ತ್ತಿರುವುದು ಇದೇ ಮೊದಲಾಗಿದ್ದು, ವಿವಿಧ ಪೇಲೋಡ್‌ ಹೊತ್ತು 2 ರಾಕೆಟ್‌ಗಳು ಬೇರೆ ಬೇರೆ ದಿನ ನಭಕ್ಕೆ ಹಾರಲಿವೆ.

ಇತ್ತೀಚಗೆ ನಡೆದ ಸಮಾರಂಭವೊಂ ದರಲ್ಲಿ ಈ ವಿಷಯವನ್ನು ವಿಜ್ಞಾನಿಗಳು ಬಹಿರಂಗಪಡಿಸಿದ್ದು, 2028ರ ಬಳಿಕ ನಡೆಸಲು ಇಸ್ರೋ ಯೋಜಿಸಿದೆ ಎನ್ನಲಾಗಿದೆ. ಈ ಯೋಜನೆಯಲ್ಲಿ ಒಟ್ಟು 5 ಪೇಲೋಡ್‌ಗಳಿದ್ದು, 3 ಪೇಲೋಡ್‌ಗಳನ್ನು ಎಲ್‌ವಿಎಂ-3 ಹಾಗೂ 2 ಪೇಲೋಡ್‌ಗಳನ್ನು ಪಿಎಸ್‌ಎಲ್‌ವಿ ರಾಕೆಟ್‌ಗಳು ಹೊತ್ತೂಯ್ಯಲಿವೆ.

ಚಂದ್ರನ ಮೇಲೆ ಇಳಿಯಬೇಕಾದ ಹಾಗೂ ಅಲ್ಲಿನ ಮಾದರಿಯನ್ನು ಸಂಗ್ರಹಿಸಬೇಕಾದ ಪೇಲೋಡ್‌ಗಳನ್ನು ಎಲ್‌ವಿಎಂ-3 ಮೂಲಕ ಭೂಕಕ್ಷೆಗೆ ಸಾಗಿಸಿ, ಭೂಮಿಯನ್ನು ಸುತ್ತುತ್ತಾ ಚಂದ್ರನ ಬಳಿಗೆ ರವಾನಿಸಲಾಗುತ್ತದೆ. ಬಳಿಕ ಚಂದ್ರನ ಮೇಲಿನ ಲ್ಯಾಂಡರ್‌ ಸಂಗ್ರಹಿಸಿರುವ ಮಾದರಿಯನ್ನು ಭೂಮಿಗೆ ತರುವ ಪೇಲೋಡ್‌ಗಳನ್ನು ನೇರವಾಗಿ ಚಂದ್ರನ ಕಕ್ಷೆಗೆ ಪಿಎಸ್‌ಎಲ್‌ವಿ ಸಾಗಿಸಲಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.