Anandiben Patel: ವಿಮಾನ ಅನ್ವೇಷಿಸಿದ್ದು ರೈಟ್‌ ಸೋದರರಲ್ಲ, ಋಷಿ ಭಾರದ್ವಾಜ: ರಾಜ್ಯಪಾಲೆ

Team Udayavani, Nov 20, 2024, 5:39 AM IST

ಲಕ್ನೋ: ವಿಮಾನವನ್ನು ಅನ್ವೇಷಿಸಿದ್ದು ರೈಟ್‌ ಸಹೋದರರಲ್ಲ, ನಮ್ಮ ಪ್ರಾಚೀನ ಕಾಲದ ಋಷಿ ಭಾರದ್ವಾಜ ಎಂದು ಉತ್ತರಪ್ರದೇಶದ ರಾಜ್ಯಪಾಲೆ ಆನಂದಿ ಬೆನ್‌ ಪಟೇಲ್‌ ಪ್ರತಿಪಾದಿಸಿದ್ದಾರೆ.

ಭಾರದ್ವಾಜ ಋಷಿ ಜಗತ್ತಿನ ಮೊದಲ ವಿಮಾನವನ್ನು ಅನ್ವೇಷಿಸಿದ್ದರು. ಆದರೆ, ಈ ಗೌರವ ಬೇರೆ ದೇಶಕ್ಕೆ ದಕ್ಕಿತು. ಈಗ ರೈಟ್‌ ಸಹೋದರರು ಅನ್ವೇಷಣೆ ಮಾಡಿದ್ದು ಎಂದು ಗುರುತಿಸಲಾಗುತ್ತಿದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ವಿಶ್ವವಿದ್ಯಾಲಯವೊಂದರ ಘಟಿಕೋತ್ಸವದಲ್ಲಿ ಮಾತನಾಡಿದ ರಾಜ್ಯಪಾಲರು, ವಿದ್ಯಾರ್ಥಿಗಳು ಪಾಚೀನ ಭಾರತದ ಪಠ್ಯವನ್ನು ಅಧ್ಯಯನ ಮಾಡುವುದರ ಮೂಲಕ ನಮ್ಮ ಹಿರಿಯರು ಮಾಡಿದ ಸಂಶೋಧನೆ ಮತ್ತು ಅನ್ವೇಷಣೆಗಳನ್ನು ತಿಳಿದುಕೊಳ್ಳಬೇಕು ಎಂದು ಹೇಳಿದರು. ಬಿಜೆಪಿ ನಾಯಕರು ರಾಮಾಯಣದ “ಪುಷ್ಪಕ ವಿಮಾನ’ ಜಗತ್ತಿನ ಮೊದಲ ವಿಮಾನ ಎಂದಿದ್ದರು.