ಹೆಣ್ಮಕ್ಕಳು ಬಿಯರ್‌ ಹೀರೋದು ನೋಡಿದ್ರೆ ಭಯವಾಗುತ್ತೆ!

Team Udayavani, Feb 11, 2018, 8:15 AM IST

ಪಣಜಿ: ಯುವತಿಯರು ಬಿಯರ್‌ ಹೀರುವುದು ತಮ್ಮನ್ನು ಭಯಭೀತರನ್ನಾಗಿಸಿದೆ ಎಂದು ಗೋವಾ ಮುಖ್ಯಮಂತ್ರಿ ಮನೋಹರ್‌ ಪರ್ರಿಕರ್‌ ಹೇಳಿದ್ದು, ಇದೀಗ ವಿವಾದಕ್ಕೆ ಕಾರಣವಾಗಿದೆ. ಗೋವಾ ವಿಧಾನಸಭೆ ವತಿಯಿಂದ ಶುಕ್ರವಾರ ಆಯೋಜಿಸಲಾಗಿದ್ದ “ಯುವ ಸಂಸತ್‌’ನಲ್ಲಿ ಯುವಜನತೆ ಯನ್ನು ಉದ್ದೇಶಿಸಿ ಮಾತನಾಡುವಾಗ, ಮಾತು ಮಾನಿನಿಯರ ಮದ್ಯ ಸೇವನೆಯತ್ತ ಹೊರಳಿತು. ತಮ್ಮ ಮಾತನ್ನು ಸಮರ್ಥಿಸಿಕೊಂಡ ಅವರು, “”ನಾನು ಎಲ್ಲಾ ಮಹಿಳೆಯರ ಬಗ್ಗೆ ಹೇಳುತ್ತಿಲ್ಲ” ಎಂದರು. ಡ್ರಗ್ಸ್‌ ಮಾಫಿಯಾ ರಾಜ್ಯದಿಂದ ಮಾಯವಾಗು ವವರೆಗೂ ಅವರ ವಿರುದ್ಧದ ಕಾರ್ಯಾಚರಣೆ ಮುಂದುವರಿಯಲಿದೆ ಎಂದರು. 

ಕೆಟ್ಟ ಪ್ರವಾಸಿಗರಿಂದ ಕುಖ್ಯಾತಿ: ಏತನ್ಮಧ್ಯೆ, ಉತ್ತರ ಭಾರತದ ಪ್ರವಾಸಿಗರು ಸೇರಿದಂತೆ ಕೆಟ್ಟ ಸ್ವದೇಶಿ ಪ್ರವಾಸಿಗರು ಗೋವಾವನ್ನು ಡ್ರಗ್ಸ್‌ ವಿಚಾರದಲ್ಲಿ ಎರಡನೇ ಹರ್ಯಾಣ ಮಾಡಲು ಹೊರಟಿದ್ದಾರೆಂದು ನಗರ ಯೋಜನಾ ಸಚಿವ ವಿರಾಜ್‌ ಸರ್ದೇಸಾಯ್‌ ಆರೋಪಿಸಿದ್ದಾರೆ. ಇದಕ್ಕೆ ಆಮ್‌ ಆದ್ಮಿ ಪಕ್ಷದ ನಾಯಕರು ಸೇರಿದಂತೆ ಹಲವರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.