“ಜನಗಣಮನ’ ಗೆಲ್ಲುತ್ತಿದೆ ಪಿಯಾನೊ ರಾಷ್ಟ್ರಗೀತೆ

Team Udayavani, Aug 6, 2018, 9:41 AM IST

*ಮುಂಬಯಿಯ ಗೀತೆ ರಚನೆಕಾರ ಶಯಾನ್‌ ಇಟಾಲಿಯನ್‌ ವಿಭಿನ್ನ ಪ್ರಯತ್ನ
*ಯೂಟ್ಯೂಬ್‌ನಲ್ಲಿ ಒಂದೇ ವಾರದಲ್ಲಿ 28 ಲಕ್ಷ ವೀಕ್ಷಣೆ ಕಂಡ ಹೆಗ್ಗಳಿಕೆ ಪಡೆದ ವಿಡಿಯೋ

ಮುಂಬಯಿ: ಮುಂಬೈ ಮೂಲದ ಗೀತೆ ರಚನೆಕಾರ ಹಾಗೂ ಪಿಯಾನೊ ವಾದಕ ಶಯಾನ್‌ ಇಟಾಲಿಯಾ ಅವರು ಪಿಯಾನೋದಲ್ಲಿ ನುಡಿಸಿರುವ ಭಾರತದ ರಾಷ್ಟ್ರಗೀತೆ ಇದೀಗ ಅಂತರ್ಜಾಲದಲ್ಲಿ ವೈರಲ್‌ ಆಗಿದೆ.  #IWillStandForThis  ಎಂಬ ಹ್ಯಾಶ್‌ಟ್ಯಾಗ್‌ನಡಿ ಯೂ ಟ್ಯೂಬ್‌ನಲ್ಲಿ ವಾರದ ಹಿಂದೆ ಅಪ್‌ಲೋಡ್‌ ಆದ ಈ ವೀಡಿಯೋ, ಒಂದೇ ವಾರದಲ್ಲಿ 28 ಲಕ್ಷ ವೀಕ್ಷಣೆ ಕಂಡಿದೆ. ಈ ಹಾಡಿಗಾಗಿ, ದೊಡ್ಡ ದೊಡ್ಡ ಸಂಗೀತ ಕಛೇರಿಗಳಲ್ಲಿ ಮಾತ್ರ ಬಳಸಲ್ಪಡುವ “ಸ್ಟೇನ್‌ವೇ ಮಾಡೆಲ್‌ ಡಿ’ ಮಾದರಿಯ ಪಿಯಾನೋ ಉಪಯೋಗಿ ಸಿರುವುದು ಈ ಸಂಗೀತ ರೂಪದ “ಜನ ಗಣಮನ’ವನ್ನು ಮತ್ತಷ್ಟು ಹೃದ್ಯವಾಗಿಸಿದೆ. 

ಈ ಬಾರಿಯ ಸ್ವಾತಂತ್ರೊತ್ಸವ 71ನೇ ಆಚರಣೆಯಾಗಿರುವುದರಿಂದ ಈ ವೀಡಿಯೋಗೆ 71 ಲಕ್ಷ ವೀಕ್ಷಣೆ ಲಭ್ಯ ವಾಗಲಿ ಎಂಬುದು ಶಯಾನ್‌ ಅವರ ಆಶಯವಂತೆ. ಸದ್ಯಕ್ಕೆ ದಿನವೊಂದಕ್ಕೆ ಸರಾಸರಿ 50 ಲಕ್ಷದಷ್ಟು ವೀಕ್ಷಣೆ ಆಗು ತ್ತಿದೆ. ಸ್ವಾತಂತ್ರೊéàತ್ಸವಕ್ಕೆ ಇನ್ನೊಂದು ವಾರ ಬಾಕಿಯಿದ್ದು, ಅಷ್ಟರಲ್ಲಿ ಗುರಿ ಮುಟ್ಟುವ ನಿರೀಕ್ಷೆಯಲ್ಲಿ ಅವರಿದ್ದಾರೆ.