ಜೆಡಿಯು-ಆರ್‌ಜೆಡಿ ಬಿಕ್ಕಟ್ಟು: ಶಾಸಕರ ಸಭೆ ಕರೆದ ಲಾಲು

Team Udayavani, Jul 10, 2017, 3:40 AM IST

ಪಾಟ್ನಾ: ಬಿಹಾರದಲ್ಲಿ ಆಡಳಿತಾರೂಢ ಜೆಡಿಯು ಮತ್ತು ಆರ್‌ಜೆಡಿ ನಡುವೆ ಬಿಕ್ಕಟ್ಟು ತೀವ್ರಗೊಂಡಿದೆ. ಆರ್‌ಜೆಡಿ ನಾಯಕ ಲಾಲು ಪ್ರಸಾದ್‌ ನಿವಾಸದ ಮೇಲೆ ಸಿಬಿಐ ದಾಳಿ ನಡೆದ ಬಳಿಕ ಪ್ರತಿಪಕ್ಷಗಳ ಅನೇಕ ನಾಯಕರು ಲಾಲುರೊಂದಿಗೆ ಮಾತನಾಡಿ ಬೆಂಬಲ ಸೂಚಿಸಿದ್ದರೂ, ಜೆಡಿಯು ಮಾತ್ರ ಮೌನಕ್ಕೆ ಶರಣಾಗಿದೆ. ಇದು ಆರ್‌ಜೆಡಿಯಲ್ಲಿ ಅಸಮಾಧಾನಕ್ಕೆ ಕಾರಣವಾಗಿದೆ.

ಈ ಕುರಿತು ಅನೇಕರು ಲಾಲು ಅವರ ಬಳಿ ಅತೃಪ್ತಿ ತೋಡಿಕೊಂಡಿದ್ದು, ಈ ಕುರಿತು ಚರ್ಚಿಸಲು ನಿರ್ಧರಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಲಾಲು ಅವರು ಸೋಮವಾರ ತಮ್ಮ ನಿವಾಸದಲ್ಲಿ ಶಾಸಕರ ಸಭೆ ನಡೆಸಲಿದ್ದಾರೆ. 

ತೇಜಸ್ವಿಯಿಂದ ದೂರವುಳಿದ ನಿತೀಶ್‌: ಈ ಎಲ್ಲ ಬೆಳವಣಿಗೆಗಳಿಗೆ ತುಪ್ಪ ಸುರಿವಂತೆ ಮತ್ತೂಂದು ವಿದ್ಯಮಾನ ಭಾನುವಾರ ನಡೆದಿದೆ. ಭ್ರಷ್ಟಾಚಾರ ಆರೋಪ ಎದುರಿಸುತ್ತಿರುವ ಲಾಲು ಪುತ್ರ, ಬಿಹಾರ ಡಿಸಿಎಂ ತೇಜಸ್ವಿ ಯಾದವ್‌ ಅವರಿಂದ ನಿತೀಶ್‌ ಅಂತರ ಕಾಯ್ದುಕೊಳ್ಳುತ್ತಿರುವುದು ಸ್ಪಷ್ಟವಾಗಿದೆ. ಸೋಮವಾರ ನಡೆಯಬೇಕಿದ್ದ ಲೋಕ ಸಂವಾದ ಕಾರ್ಯಕ್ರಮವನ್ನು ನಿತೀಶ್‌ ಅನಾರೋಗ್ಯದ ನೆಪ ಹೇಳಿ ರದ್ದು ಮಾಡಿದ್ದಾರೆ.