Karni Sena ಮುಖ್ಯಸ್ಥನ ಹತ್ಯೆ ಪ್ರಕರಣ: ಬಂದೂಕು ಒದಗಿಸಿದ್ದ ಮಹಿಳೆಯ ಬಂಧನ

Team Udayavani, Dec 12, 2023, 9:06 AM IST

ಜೈಪುರ: ಕರ್ಣಿ ಸೇನಾ ಮುಖ್ಯಸ್ಥ ಸುಖದೇವ್ ಸಿಂಗ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಜಸ್ಥಾನ ಪೊಲೀಸರು ಮಹಿಳೆಯೊಬ್ಬರನ್ನು ಬಂಧಿಸಿದ್ದಾರೆ.

ಬಂಧಿತ ಮಹಿಳೆಯನ್ನು ಪೂಜಾ ಸೈನಿ ಎಂದು ಗುರುತಿಸಲಾಗಿದೆ. ಶೂಟರ್ ಗಳಲ್ಲಿ ಒಬ್ಬನಿಗೆ ಪೂಜಾ ಸೈನಿ ಮತ್ತು ಆಕೆಯ ಗಂಡ ಮಹೇಂದ್ರ ಮೇಘ್ವಾಲ್ ಬಂದೂಕು ನೀಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಶೂಟರ್ ನಿತಿನ್ ಫೌಜಿ ಡಿಸೆಂಬರ್ 5 ರಂದು ಹತ್ಯೆ ಮಾಡುವ ಮೊದಲು ಜೈಪುರದಲ್ಲಿ ದಂಪತಿಗಳ ಬಾಡಿಗೆ ಫ್ಲಾಟ್‌ ನಲ್ಲಿ ಸುಮಾರು ಒಂದು ವಾರ ತಂಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.

ಫೌಜಿ ಎರಡು ಪಿಸ್ತೂಲುಗಳನ್ನು ಮತ್ತು ತನಗಾಗಿ ಅನೇಕ ಮ್ಯಾಗಜೀನ್‌ ಗಳನ್ನು ಮತ್ತು ರಾಥೋರ್‌ ಗಾಗಿ ಒಂದು ಪಿಸ್ತೂಲು ಮತ್ತು ಎರಡು ಮ್ಯಾಗಜೀನ್‌ಗಳನ್ನು ತೆಗೆದುಕೊಂಡನು. ಪೂಜಾ ಫೌಜಿಗೆ ಆಹಾರವನ್ನೂ ಸಿದ್ಧಪಡಿಸಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸಮೀರ್ ಎಂದೂ ಕರೆಯಲ್ಪಡುವ ರೌಡಿ ಶೀಟರ್ ಮೇಘವಾಲ್ ಪ್ರಸ್ತುತ ತಲೆಮರೆಸಿಕೊಂಡಿದ್ದಾನೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.