ಸಾಯುವ ಮುನ್ನ ವೂ ಹೀನ ಕೃತ್ಯ

Team Udayavani, Apr 12, 2018, 7:00 AM IST

ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಕಥುವಾದಲ್ಲಿ 8 ವರ್ಷದ ಬಾಲಕಿಯ ಅತ್ಯಾಚಾರ ಮತ್ತು ಕೊಲೆ ಪ್ರಕರಣ ಸಂಬಂಧ ಪೊಲೀಸರು ಕೋರ್ಟ್‌ಗೆ ಆರೋಪಪಟ್ಟಿ ಸಲ್ಲಿಸಿದ್ದಾರೆ. ಕಿಡಿಗೇಡಿಗಳು ಬಾಲಕಿಯನ್ನು ಅಪಹರಿಸಿ, ಮತ್ತು ಬರಿಸುವ ಔಷಧ ನೀಡಿ ದೇಗುಲದಲ್ಲಿ ಅತ್ಯಾಚಾರವೆಸಗಿದ್ದರು. ಕೊನೆಗೆ ತಲೆಯ ಮೇಲೆ ಕಲ್ಲು ಎತ್ತಿಹಾಕಿ ಕೊಂದಿದ್ದರು. ಸಾಯುವ ಮುನ್ನ ಆಕೆ ಮೇಲೆ ಮತ್ತೂಮ್ಮೆ ಹೀನ ಕೃತ್ಯ ನಡೆಸಲಾಗಿತ್ತು ಎಂದು 15 ಪುಟಗಳ ಆರೋಪಪಟ್ಟಿಯಲ್ಲಿ ಉಲ್ಲೇಖೀಸಲಾಗಿದೆ. ದೇಗುಲದ ಉಸ್ತುವಾರಿ ನೋಡಿಕೊಳ್ಳುವ ವ್ಯಕ್ತಿಯೇ ಒಟ್ಟಾರೆ ಘಟನೆಯ ಸೂತ್ರಧಾರ ಎಂದು ಆರೋಪಿಸಲಾಗಿದೆ. 

ಬಂದ್‌, ಪ್ರತಿಭಟನೆ: ಇದೇ ವೇಳೆ ಘಟನೆ ಬಗ್ಗೆ ಸಿಬಿಐ ತನಿಖೆಯಾಗಬೇಕೆಂದು ಜಮ್ಮು ಹೈಕೋರ್ಟ್‌ ಬಾರ್‌ ಎಸೋಸಿಯೇಶನ್‌ ಸದಸ್ಯರು ಕರೆ ನೀಡಿದ್ದ ಬಂದ್‌, ಪ್ರತಿಭಟನೆಯಿಂದ ಜಮ್ಮು ವಲಯದಲ್ಲಿ ಜನಜೀವನ ಅಸ್ತವ್ಯಸ್ತಗೊಂಡಿದೆ.