9 ಗಂಟೆವರೆಗೆ ತೊಂದರೆ ಕೊಡಲ್ಲ: ಒಪ್ಪಂದ ಪತ್ರಕ್ಕೆ ಪತ್ನಿ ಸಹಿ!

Team Udayavani, Nov 13, 2022, 7:20 AM IST

ಮದುವೆಯಾದ ಮೇಲೆ ಹೇಗಿರಬೇಕೆಂದು ನೀವೆಂದಾದರೂ ಮುಂಚಿತವಾಗಿಯೇ ಒಪ್ಪಂದ ಮಾಡಿಕೊಂಡಿದ್ದು ಇದೆಯಾ? ಕೇರಳದಲ್ಲೊಂದು ಪ್ರಕರಣ ನಡೆದಿದೆ. ಎಸ್‌.ಅರ್ಚನಾ ಎಂಬ ಯುವತಿ ರಘು ಎಸ್‌ ಕೆಡಿಆರ್‌ ಎಂಬ ವ್ಯಕ್ತಿಯನ್ನು ವಿವಾಹ ಮಾಡಿಕೊಳ್ಳುವಾಗ ಒಂದು ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.

“ಮದುವೆಯ ನಂತರ ನಾನು ರಾತ್ರಿ 9 ಗಂಟೆವರೆಗೆ ಪತಿಗೆ ಕರೆ ಮಾಡಿ ತೊಂದರೆ ಕೊಡುವುದಿಲ್ಲ. ಅಲ್ಲಿಯವರೆಗೆ ಪತಿ ತನ್ನ ಗೆಳೆಯರೊಂದಿಗೆ ಕಾಲ ಕಳೆಯಲು ಅವಕಾಶ ನೀಡುತ್ತೇನೆ’ ಎಂಬುದೇ ಈ ಒಪ್ಪಂದದಲ್ಲಿರುವ ಅಂಶ! ಅದು ಸಾಮಾಜಿಕ ತಾಣಗಳಲ್ಲೂ ಪ್ರಕಟವಾಗಿ ವೈರಲ್‌ ಆಗಿಬಿಟ್ಟಿದೆ.

ರಘು ಮೂಲತಃ ಬ್ಯಾಡ್ಮಿಂಟನ್‌ ಆಟಗಾರ.ಅವರು ಇನ್ನಿತರೆ ಆಟಗಾರರೊಂದಿಗೆ 17 ಮಂದಿಯಿರುವ ವಾಟ್ಸ್‌ಆ್ಯಪ್‌ ಗುಂಪು ಮಾಡಿಕೊಂಡಿದ್ದಾರೆ.

ಈ ಗುಂಪಿನ ಪ್ರತಿಯೊಬ್ಬರೂ ವಿವಾಹವಾಗುವಾಗ ಇಂತಹದ್ದೇನಾದರೂ ಮಾಡಿ ಸುದ್ದಿಯೆಬ್ಬಿಸುತ್ತಾರೆ. ಈ ಬಾರಿಯೂ ಅಂತಹದ್ದೇ ಒಂದು ಅಚ್ಚರಿ ನೀಡಿದ್ದಾರೆ.