ಕೇರಳ ರಾಜ್ಯ ರಸ್ತೆ ಸಾರಿಗೆ ನೌಕರರಿಗೆ 12 ಗಂಟೆ ಡ್ಯೂಟಿ

Team Udayavani, Sep 7, 2022, 7:45 PM IST

ತಿರುವನಂತಪುರ: ಇನ್ನು ಮುಂದೆ ಕೇರಳ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಉದ್ಯೋಗಿಗಳಿಗೆ 12 ಗಂಟೆಗಳ ಒಂದೇ ಹಂತದ ಕರ್ತವ್ಯ. ಇಂಥ ಒಂದು ವ್ಯವಸ್ಥೆ ಜಾರಿಗೊಳಿಸಲು ಕೇರಳದ ಎಲ್‌ಡಿಎಫ್ ಸರ್ಕಾರ ನಿರ್ಧರಿಸಿದೆ.

ನಷ್ಟದಲ್ಲಿ ಇರುವ ಸಾರಿಗೆ ಸಂಸ್ಥೆಯನ್ನು ಲಾಭದ ಹಳಿಗೆ ತರುವ ನಿಟ್ಟಿನಲ್ಲಿ ಈ ಕ್ರಮವೆಂದು ಸರ್ಕಾರದ ಪ್ರತಿಪಾದನೆ. ಕಾಂಗ್ರೆಸ್‌ ಬೆಂಬಲಿತ ಟ್ರಾನ್ಸ್‌ಪೋರ್ಟ್‌ ಡೆಮಾಕ್ರಾಟಿಕ್‌ ಫೆಡರೇಷನ್‌ (ಟಿಡಿಎಫ್) ಪ್ರತಿಕ್ರಿಯೆ ನೀಡಿ, ಒಂದೇ ಹಂತದ ಕರ್ತವ್ಯದ ಅವಧಿಗೆ ಬೆಂಬಲ ಇದೆ. ಆದರೆ, 12 ಗಂಟೆಗಳ ಬದಲಾಗಿ 8 ಗಂಟೆ ಇರಲಿ ಎಂದಿದೆ.

ಆದರೆ, ಸಿಪಿಎಂ ಬೆಂಬಲಿತ ಸೆಂಟರ್‌ ಫಾರ್‌ ಟ್ರೇಡ್‌ ಯೂನಿಯನ್‌ ಮಾತ್ರ ಎಲ್ಲರು ಸಹಮತ ಹೊಂದಿದ್ದರೆ ಅ.1ರಿಂದ ಹೊಸ ವ್ಯವಸ್ಥೆ ಜಾರಿಗೆ ಬರಲಿ ಎಂದಿದೆ.