ತಾಯ್ನಾಡಿಗೆ ವಾಪಸಾದ ಫಾದರ್‌ ಟಾಮ್‌  

Team Udayavani, Sep 29, 2017, 7:05 AM IST

ಹೊಸದಿಲ್ಲಿ: ಯೆಮನ್‌ನಲ್ಲಿ ಉಗ್ರಗಾಮಿ ಸಂಘಟನೆಯಾದ ಐಸಿಸ್‌ನಿಂದ ಅಪಹರಣಕ್ಕೀಡಾಗಿ ಒಂದೂವರೆ ವರ್ಷಗಳಿಗೂ ಅಧಿಕ  ಕಾಲ ಉಗ್ರರ ಒತ್ತೆಸೆರೆಯಲ್ಲಿದ್ದು  ಕೆಲ ದಿನಗಳ  ಹಿಂದೆಯಷ್ಟೇ ಸುರಕ್ಷಿತವಾಗಿ ಬಿಡುಗಡೆಯಾಗಿದ್ದ ಫಾದರ್‌ ಟಾಮ್‌ ಉಳುನ್ನಲಿಲ್‌ ಗುರುವಾರ ಸ್ವದೇಶಕ್ಕೆ ವಾಪಾಸಾದರು.  

ಉಗ್ರರ ಒತ್ತೆಸೆರೆಯಿಂದ  ಬಿಡುಗಡೆಗೊಂಡ ಬಳಿಕ  ವ್ಯಾಟಿಕನ್‌ ಸಿಟಿಯಲ್ಲಿ  ಒಂದಿಷ್ಟು  ವಿಶ್ರಾಂತಿ ಪಡೆದ ಬಳಿಕ ಫಾದರ್‌ ಟಾಮ್‌ ಉಳುನ್ನಲಿಲ್‌  ಅವರು  ಗುರುವಾರ  ಸ್ವದೇಶಕ್ಕೆ  ಮರಳಿದರು.  ದಿಲ್ಲಿ  ವಿಮಾನ ನಿಲ್ದಾಣದಲ್ಲಿ ಬಂದಿಳಿದ ಅವರನ್ನು  ಕೇಂದ್ರ ಪ್ರವಾಸೋದ್ಯಮ ಖಾತೆಯ ಸಹಾಯಕ ಸಚಿವ  ಕೆ.ಜೆ.ಅಲೊ#àನ್ಸ್‌ ಬರಮಾಡಿಕೊಂಡರು. ಆ ಬಳಿಕ  ಫಾದರ್‌  ಟಾಮ್‌ ಉಳುನ್ನಲಿಲ್‌  ಅವರು  ಪ್ರಧಾನಿ  ನರೇಂದ್ರ ಮೋದಿ  ಮತ್ತು ವಿದೇಶಾಂಗ ವ್ಯವಹಾರಗಳ  ಸಚಿವೆ  ಸುಷ್ಮಾ ಸ್ವರಾಜ್‌ ಅವರನ್ನು  ಭೇಟಿಯಾಗಿ  ತನ್ನನ್ನು  ಸಂಕಷ್ಟದಿಂದ  ಪಾರು ಮಾಡಿದ್ದಕ್ಕಾಗಿ  ಕೃತಜ್ಞತೆ  ಸಲ್ಲಿಸಿದರು.