ಸೋಂಕಿಗೆ ಕೇರಳ ಶಿಕ್ಷಕ ಸಾವು

Team Udayavani, May 26, 2020, 7:11 AM IST

ಸಾಂದರ್ಭಿಕ ಚಿತ್ರ

ಕೇರಳದ ಹಿಂದಿ ಶಿಕ್ಷಕರೊಬ್ಬರು ಕೋವಿಡ್ ಸೋಂಕಿಗೆ ಒಳಗಾಗಿ ಮೃತಪಟ್ಟಿದ್ದಾರೆ. ಅವರನ್ನು ಅನಿಲ್‌ ಕುಮಾರ್‌(50) ಎಂದು ಗುರುತಿಸಲಾಗಿದೆ. ಅವರು ಅಬುಧಾಬಿಯ ಸನ್‌ರೈಸ್‌ ಸ್ಕೂಲ್‌ನಲ್ಲಿ ಶಿಕ್ಷಕ ವೃತ್ತಿ ಮಾಡುತ್ತಿದ್ದರು. ಮೇ 7ರಂದು ಅವರಿಗೆ ಸೋಂಕು ತಗಲಿರುವುದು ಪತ್ತೆಯಾಗಿತ್ತು. ಅವರಿಗೆ ಚಿಕಿತ್ಸೆ ಕೊಡಿಸಲಾಗುತ್ತಿತ್ತು ಆದರೆ ಚಿಕಿತ್ಸೆ ಫ‌ಲಕಾರಿಯಾಗದೇ ಮೃತ ಪಟ್ಟಿದ್ದಾರೆ.ಅವರು ಪತ್ನಿ, ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ. ಪತ್ನಿ ಸನ್‌ರೈಸ್‌ ಶಾಲೆಯಲ್ಲಿ ಹಿಂದಿ ಶಿಕ್ಷಕಿ ಆಗಿದ್ದಾರೆ.

ನರ್ಸ್‌ ಸಾವು: ಇನ್ನೊಂದೆಡೆ, ಸೋಂಕಿಗೆ ಒಳಗಾಗಿದ್ದ ಕೇರಳ ಮೂಲದ ನರ್ಸ್‌ ಕುವೈತ್‌ನಲ್ಲಿ ಭಾನುವಾರ ಕೊನೆಯುಸಿರೆಳೆದಿದ್ದಾರೆ. ಅಲ್‌ – ಶಾಬ್‌ ಮೆಡಿಕಲ್‌ ಸೆಂಟರ್‌ನಲ್ಲಿ ಹೆಡ್‌ ನರ್ಸ್‌ ಆಗಿ ಸೇವೆ ಸಲ್ಲಿಸುತ್ತಿದ್ದ ಕೇರಳದ ಪಟ್ಟಣಂತಿಟ್ಟದವರಾದ ಅಣ್ಣಮ್ಮ ಚಾಕೋ(59) ಅವರೇ ಮೃತ ದಾದಿ. ಕೋವಿಡ್ ಸೋಂಕಿರುವುದು ದೃಢಪಟ್ಟ ಹಿನ್ನೆಲೆಯಲ್ಲಿ 3 ದಿನಗಳ ಹಿಂದೆ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.