ಖರ್ಗೆ-ಅನಂತ್‌ ವಾಗ್ಯುದ್ಧ

Team Udayavani, Feb 7, 2017, 3:45 AM IST

ಹೊಸದಿಲ್ಲಿ: ದೇಶದ ಏಕತೆಗಾಗಿ ಗಾಂಧೀಜಿ, ಇಂದಿರಾಜಿ ತಮ್ಮ ಪ್ರಾಣವನ್ನೇ ತ್ಯಾಗ ಮಾಡಿದ್ದಾರೆ. ನಿಮ್ಮ ಮನೆಯಿಂದ ಯಾರು ಬಂದಿದ್ದರು ಎಂದು ಸೋಮವಾರ ಲೋಕಸಭೆಯಲ್ಲಿ ಬಿಜೆಪಿಯನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡ ಕಾಂಗ್ರೆಸ್‌ ಸಂಸದೀಯ ನಾಯಕ ಮಲ್ಲಿಕಾರ್ಜುನ ಖರ್ಗೆ, ಕೇಂದ್ರ ಸರಕಾರದ ವಿರುದ್ಧ ವಾಗ್ಧಾಳಿ ನಡೆಸಿದರು. 

ಸೋಮವಾರ ಲೋಕಸಭೆಯಲ್ಲಿ ರಾಷ್ಟ್ರಪತಿಗಳ ಭಾಷಣದ ಮೇಲಿನ ವಂದನಾ ನಿರ್ಣಯದ ಚರ್ಚೆಯಲ್ಲಿ ಭಾಗವಹಿಸಿ ಮಾತ
ನಾಡಿದ ಖರ್ಗೆ, ಎಲ್ಲರನ್ನೂ ಒಮ್ಮೆ ಮೂರ್ಖರ ನ್ನಾಗಿಸಬಹುದು. ಕೆಲವರನ್ನು ಎಲ್ಲ ಕಾಲ ದಲ್ಲಿಯೂ ಮೂರ್ಖರನ್ನಾಗಿಸಬಹುದು. ಆದರೆ ಎಲ್ಲರನ್ನೂ, ಎಲ್ಲ ಕಾಲದಲ್ಲಿ ಮೂರ್ಖ ರನ್ನಾಗಿಸಲು ಸಾಧ್ಯವಿಲ್ಲ. ಕೇಂದ್ರ ಸರಕಾರ ಮತ್ತು ಪ್ರಧಾನ ಮಂತ್ರಿಗಳು ಸತ್ಯಕ್ಕೆ ದೂರವಾದ ಭರವಸೆ ನೀಡುತ್ತಿದ್ದಾರೆಂದು ಗುಡುಗಿದರು.

ಬ್ಲಾ ಕ್‌ ಮೇಲ್‌ ಮಾಡುತ್ತಿದ್ದೀರಿ: ನೀವು ಸನಾತನ ಧರ್ಮದ ಹೆಸರು ಹೇಳಿ ಜನರನ್ನು ವಿಭಜಿಸುವ ಪ್ರಯತ್ನ ಮಾಡುತ್ತಿದ್ದೀರಿ. ದೇವರ ಹೆಸರು ಹೇಳಿ ಜನರನ್ನು ಭಾವನಾತ್ಮಕವಾಗಿ ಬ್ಲ್ಯಾಕ್‌ ಮೇಲ್‌ ಮಾಡುತ್ತಿದ್ದೀರಿ. ನರೇಗಾ ಯೋಜನೆಯ ಅನುಷ್ಠಾನದಲ್ಲಿ ಕೇಂದ್ರ ಸರಕಾರ ವಿಫ‌ಲವಾಗಿದೆ. ರೈಲ್ವೇ ಕೂಡ ಹಳಿ ತಪ್ಪಿದೆ. ಕೇವಲ ಭಾಷಣ ಜನರ ಹೊಟ್ಟೆ ತುಂಬಿಸಲಾರದು. ಜನರಿಂದ ಚಪ್ಪಾಳೆ ಗಿಟ್ಟಿ ಸಲು ಭರವಸೆಗಳನ್ನು ನೀಡಲಾಗುತ್ತಿದೆ. ಆದರೆ ಯಾವ ಭರವಸೆಯೂ ಈಡೇರಿಲ್ಲ. ನೋಟು ಅಪಮೌಲ್ಯದಿಂದ 125 ಜನ ಸತ್ತಿದ್ದು, ಪ್ರಧಾನಿ ಮೋದಿ ಕನಿಷ್ಠ ಪಕ್ಷ ಕ್ಷಮೆ ಕೇಳಬಹುದಿತ್ತು ಎಂದು ಬಿಜೆಪಿ ವಿರುದ್ಧ ಹರಿಹಾಯ್ದರು. 

ಕೇಂದ್ರ ಸರಕಾರ ಈಗ ಕ್ಯಾಶ್‌ಲೆಸ್‌ ವ್ಯವಹಾರ ಮಾಡಲು ಹೊರಟಿದೆ. ಆದರೆ ಇದಕ್ಕೆ ಬೇಕಾದ ಮೂಲ ಸೌಕರ್ಯ ದೇಶದಲ್ಲಿ ಇದೆಯೇ? ಎಲ್ಲರಲ್ಲಿಯೂ ಸ್ಮಾರ್ಟ್‌ಫೋನ್‌ ಇದೆಯೇ ಎಂದು ಕೇಂದ್ರ ಸರಕಾರವನ್ನು ಪ್ರಶ್ನಿಸಿದರು. 

ಸರ್ಜಿಕಲ್‌ ಸ್ಟ್ರೆ „ಕ್‌ ನಡೆದ ಬಳಿಕ ಮೋದಿ ಸಂಪುಟವನ್ನು ಮೊಘಲ್‌ ದೊರೆ ಅಕºರ್‌ ಮತ್ತು ಆತನ ಆಸ್ಥಾನದಲ್ಲಿದ್ದ ನವರತ್ನಗಳಿಗೆ ಹೋಲಿಸಿದರು. ರಕ್ಷಣಾ ಸಚಿವ ಮನೋಹರ್‌ ಪಾರೀಕರ್‌ ಅಕºರನ ಆಸ್ಥಾನದಲ್ಲಿದ್ದ ರಕ್ಷಣಾ ಸಚಿವ ಮಾನ್‌ಸಿಂಗ್‌, ವಿತ್ತ ಸಚಿವ ಜೇಟಿ ತೋಡರ್‌ ಮಲ್ಲನಾದರೆ, ಉಳಿದ ಸಪ್ತ ರತ್ನಗಳು ಯಾರು ಎಂದು  ಖರ್ಗೆ ವ್ಯಂಗ್ಯ ಭರಿತವಾಗಿ ಕೇಳಿದರು.

ಸಾಮಾಜಿಕ ಕಲ್ಯಾಣದ ಕಾರ್ಯಕ್ರಮಗಳಿಗೆ 1,500 ಕೋಟಿ ರೂ. ನೀಡಿದ್ದರೂ ಶೇ. 15ರಷ್ಟು ಮಾತ್ರ ಖರ್ಚಾಗಿದೆ. ಪ್ರತಿ ವರ್ಷ 1 ಕೋಟಿ ಮನೆ ಕಟ್ಟುತ್ತೇವೆ ಎಂದು ಭರವಸೆ ನೀಡಿ ಕೇವಲ 48,000 ಮನೆ ಮಾತ್ರ ಕಟ್ಟಲಾಗಿದೆ. ಸುಮಾರು 11 ಕೋಟಿ ಶೌಚಾಲಯ ಕಟ್ಟುವ ಗುರಿ ಇಟ್ಟುಕೊಂಡಿರುವ ಸರಕಾರ ಕಳೆದ ಎರಡೂವರೆ ವರ್ಷಗಳಲ್ಲಿ ಎರಡೂವರೆ ಕೋಟಿ ಶೌಚಾಲಯಗಳನ್ನು ಕಟ್ಟಿದೆ. ಪರಿಶಿಷ್ಟ ಜಾತಿ ಮತ್ತು ಪಂಗಡಗಳ ಅಭಿವೃದ್ಧಿಗೆ ಮೀಸಲಿಟ್ಟಿರುವ ಅನುದಾನದಲ್ಲಿ ಕಡಿತ ಮಾಡಲಾಗಿದೆ. ಪ್ರತಿ ವರ್ಷ 2 ಕೋಟಿ ಉದ್ಯೋಗ ಸೃಷ್ಟಿಸು ವುದಾಗಿ ಹೇಳಿದ್ದ ಸರಕಾರ ಕೇವಲ 1.50 ಲಕ್ಷದಷ್ಟು ಮಾತ್ರ ಉದ್ಯೋಗ ನೀಡಿದೆ ಎಂದು ಕೇಂದ್ರ ಸರಕಾರದ ವೈಫ‌ಲ್ಯವನ್ನು ಖರ್ಗೆ ಎಳೆ ಎಳೆಯಾಗಿ ಬಿಚ್ಚಿಟ್ಟರು.

ತಿರುಗೇಟು ನೀಡಿದ ಅನಂತ್‌: ಖರ್ಗೆ ಅವರ ಈ ಹೇಳಿಕೆಯನ್ನು ಸಂಸದೀಯ ವ್ಯವಹಾರಗಳ ಸಚಿವ ಅನಂತ್‌ ಕುಮಾರ್‌ ಅಷ್ಟೇ ತೀವ್ರವಾಗಿ ಖಂಡಿಸಿದರು. ಈ ಆರೋಪದಲ್ಲಿ ಯಾವುದೇ ಹುರುಳಿಲ್ಲ. ಖರ್ಗೆ ಅವರು ಸಂಸತ್ತಿನ ದಾರಿ ತಪ್ಪಿಸುತ್ತಿದ್ದಾರೆ ಎಂದು ಆಪಾದಿಸಿದರು.