ಕೋಲ್ಕತ ಎಲ್‌ಐಸಿ ಕಟ್ಟಡದಲ್ಲಿ ಬೆಂಕಿ; ಜೀವ ಹಾನಿ ವರದಿ ಇಲ್ಲ

Team Udayavani, Oct 19, 2017, 4:20 PM IST

ಕೋಲ್ಕತ : ಮಧ್ಯ ಕೋಲ್ಕತ ದ ಜವಾಹರ್‌ ಲಾಲ್‌ ನೆಹರೂ ರಸ್ತೆಯಲ್ಲಿನ ಎಲ್‌ಐಸಿ ಕಟ್ಟಡದಲ್ಲಿ ಇಂದು ಗುರುವಾರ ಬೆಳಗ್ಗೆ ಬೆಂಕಿ ಕಾಣಿಸಿಕೊಂಡಿತು. ಸುಮಾರು 10 ಅಗ್ನಿ ಶಾಮಕಗಳು ಸ್ಥಳಕ್ಕೆ ಧಾವಿಸಿ ಬೆಂಕಿಯನ್ನು ನಿಯಂತ್ರಿಸುವ ಪ್ರಯತ್ನದಲ್ಲಿ ತೊಡಗಿಕೊಂಡವು. ಅಗ್ನಿ ಅನಾಹತದಲ್ಲಿ ಯಾವುದೇ ಸಾವು ನೋವು ಸಂಭವಿಸಿರುವ ವರದಿಯಾಗಿಲ್ಲ.

ಎಲ್‌ಐಸಿ ಕಟ್ಟಡದ 16ನೇ ಮಹಡಿಯಲ್ಲಿ ಬೆಳಗ್ಗೆ 10.20ರ ಹೊತ್ತಿಗೆ ಬೆಂಕಿ ಕಾಣಿಸಿಕೊಂಡಿತು. ಅನಂತರ ಅದು 17ನೇ ಮಹಡಿಗೂ ಚಾಚಿಕೊಂಡಿತು.

ಹದಿನೇಳನೇ ಮಹಡಿಯಲ್ಲಿ ಎಸ್‌ಬಿಐ ಗ್ಲೋಬಲ್‌ ಮಾರ್ಕೆಟ್‌ ಕಾರ್ಯಾಲಯದ ಸರ್ವರ್‌ ರೂಮ್‌ ಆಗಿದ್ದು ಹೆಚ್ಚಿನ ಆತಂಕಕ್ಕೆ ಕಾರಣವಾಗಿದೆ. 

#WATCH: Fire continues to rage at LIC building on Jawahar Lal Nehru road in #Kolkata. 10 fire tenders working to douse the fire. #WestBengal pic.twitter.com/QWGgYy4mYL

— ANI (@ANI) October 19, 2017

ಮಹಡಿಯಲ್ಲಿ ಬ್ಯಾಂಕಿನ ಯಾವುದೇ ಸಿಬಂದಿ ಸಿಕ್ಕಿ ಹಾಕಿಕೊಂಡಿಲ್ಲ ಎಂದು ಎಸ್‌ಬಿಐ ನ ಕೋಲ್ಕತ ವಲಯದ ಚೀಫ್ ಜನರಲ್‌ ಮ್ಯಾನೇಜರ್‌ ಪಿ ಪಿ ಸೇನ್‌ಗುಪ್ತಾ ಹೇಳಿದರು. 

ಬೆಂಕಿ ಅವಘಡ ಸಂಭವಿಸಿರುವ ಜೀವನ ಸುಧಾ ಕಟ್ಟಡದಲ್ಲಿ 19 ಮಹಡಿಗಳಿವೆ. ಇವುಗಳಲ್ಲಿ ಎಸ್‌ಬಿಐ, ಎಲ್‌ಐಸಿ ಮತ್ತು ಇತರ ಹಣಕಾಸು ಸೇವಾ ಸಂಸ್ಥೆಗಳ ಕಾರ್ಯಾಲಯವಿದೆ.