ಸೌದಿ ಅರೇಬಿಯಾದಿಂದ ಆಗಮಿಸಿದ್ದ ವ್ಯಕ್ತಿ ಸಾವು: ಕೊರನಾ ಶಂಕೆ

Team Udayavani, Mar 9, 2020, 9:17 AM IST

ಕೋಲ್ಕತ್ತಾ: ಸೌದಿ ಅರೇಬಿಯಾದಿಂದ ಆಗಮಿಸಿದ್ದ ವ್ಯಕ್ತಿಯೋರ್ವ ಜ್ವರದಿಂದ ಸಾವನ್ನಪ್ಪಿದ್ದು, ಕೊರೊನಾ ವೈರಸ್ ಗೆ ಭಾರತದ ಮೊದಲ ಬಲಿಯಾಗುವ ಸಾಧ್ಯತೆಯಿದೆ ಎಂದು ವರದಿಯಾಗಿದೆ.

33 ವರ್ಷದ ವ್ಯಕ್ತಿಯೋರ್ವ ಶನಿವಾರ ಕೋಲ್ಕತ್ತಾಗೆ ಬಂದಿಳಿದಿದ್ದ. ಆಗಲೇ ಈತ ಕಫ, ಜ್ವರ ಮತ್ತು ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದ. ಭಾನುವಾರ ಬೆಳಿಗ್ಗೆ ಈತ ಆಸ್ಪತ್ರೆಗೆ ದಾಖಲಾಗಿದ್ದು, ಸಂಜೆ ನಾಲ್ಕು ಗಂಟೆಗೆ ಮೃತಪಟ್ಟಿದ್ದಾನೆ.

ಈ ಬಗ್ಗೆ ಮಾತನಾಡಿದ ಅಲ್ಲಿನ ವೈದ್ಯಾಧಿಕಾರಿ, ನಾನವು ಆತನ ರಕ್ತದ ಮಾದರಿಯನ್ನು ಟೆಸ್ಟ್ ಗೆ ಕಳುಹಿಸಿದ್ದೇವೆ. ಈ ಸಾವಿನ ನಂತರ ನಾವೂ ಹೈಅಲರ್ಟ್ ನಲ್ಲಿದ್ದೇವೆ ಎಂದಿದ್ಧಾರೆ.

ವ್ಯಕ್ತಿ ಮಧುಮೇಹ ರೋಗಿಯಾಗಿದ್ದು, ಶೀತ ಮತ್ತು ಕಫದಿಂದ ಬಳಲುತ್ತಿದ್ದ. ಇದರಿಂದ ಭಯಪಟ್ಟ ಈತ ಭಾರತಕ್ಕೆ ಆಗಮಿಸಿದ್ದ. ಆದರೆ ಇಲ್ಲಿ ಬಂದ ಆತನಿಗೆ ಅನಾರೋಗ್ಯ ಹೆಚ್ಚಾಗಿತ್ತು ಎಂದು ಕುಟುಂಬಿಕರು ಹೇಳಿದ್ದಾರೆ.

ಭಾರತದಲ್ಲಿ ಇದುವರೆಗೆ ಒಟ್ಟು 40 ಕೊರೊನಾ ವೈರಸ್ ಪ್ರಕರಣಗಳು ಪತ್ತೆಯಾಗಿದೆ.