ಲಡಾಖ್‌ಗೆ ಇನ್ನು “ಸೌರ ಗೌರವ’

Team Udayavani, Jan 14, 2019, 12:40 AM IST

ಹೊಸದಿಲ್ಲಿ: ನೈಸರ್ಗಿಕ ಸೌಂದರ್ಯದಿಂದ ಜಗತøಸಿದ್ಧವಾಗಿರುವ ಜಮ್ಮು ಕಾಶ್ಮೀರದ ಲಡಾಖ್‌ನಲ್ಲಿ ವಿಶ್ವದ ಅತಿ ದೊಡ್ಡ ಸೌರ ವಿದ್ಯುತ್‌ ಉತ್ಪಾದನ ಘಟಕ ಇನ್ನು ಕೆಲವೇ ವರ್ಷಗಳಲ್ಲಿ ತಲೆ ಎತ್ತಲಿದೆ. ಇದರ ಒಟ್ಟು ವಿದ್ಯುತ್‌ ಉತ್ಪಾದನ ಸಾಮರ್ಥ್ಯ 5,000 ಮೆ.ವ್ಯಾಟ್‌ ಆಗಿರಲಿದ್ದು, ಇದು ಸದ್ಯಕ್ಕೆ ವಿಶ್ವದ ಅತಿ ದೊಡ್ಡ ಸೋಲಾರ್‌ ಪಾರ್ಕ್‌ ಎನಿಸಿರುವ ಚೀನದ ಟೆಂಗ್ಗೆರ್‌ ಸೋಲಾರ್‌ ಪಾರ್ಕ್‌ ಹೆಗ್ಗಳಿಕೆಯನ್ನು ತನ್ನದಾಗಿಸಿಕೊ ಳ್ಳಲಿದೆ. 

ಲಡಾಖ್‌ ಸೋಲಾರ್‌ ಪಾರ್ಕ್‌ ಜತೆಗೆ, ಲಡಾಖ್‌ನಿಂದ ಉತ್ತರಕ್ಕೆ 200 ಕಿ.ಮೀ. ದೂರದಲ್ಲಿರುವ ಕಾರ್ಗಿಲ್‌ನ ಸೇನಾ ಶಿಬಿರಕ್ಕಾಗಿ 2,500 ಮೆ.ವ್ಯಾಟ್‌ಗಳ ಮತ್ತೂಂದು ಸೌರ ಪಾರ್ಕ್‌ ನಿರ್ಮಿಸಲಾಗುತ್ತಿದೆ. ಈ ಎರಡೂ ಯೋಜನೆಗಳ ವೆಚ್ಚ ಅಂದಾಜು 45,000 ಕೋಟಿ ರೂ. ಆಗಿದ್ದು, 2023ರಲ್ಲಿ ದೇಶಕ್ಕೆ ಸಮರ್ಪಣೆ ಗೊಳ್ಳುವ ನಿರೀಕ್ಷೆಯಿದೆ. 

ಪರಿಸರಕ್ಕೂ ಅನುಕೂಲ: ಲಡಾಖ್‌ನಲ್ಲಿ ನಿತ್ಯವೂ ವಿದ್ಯುತ್ತಿಗಾಗಿ ಡೀಸೆಲ್‌ ಇಂಜಿನ್‌ ಮೇಲೆ ಅವಲಂಬನೆ ಆಗಬೇಕಿರುವು ದರಿಂದ ಅಪಾರ ಡೀಸೆಲ್‌ ಖರ್ಚಾಗುತ್ತಿದೆ. ಜತೆಗೆ, ವರ್ಷಕ್ಕೆ ಸುಮಾರು 12,750 ಟನ್‌ ಇಂಗಾಲ ಪರಿಸರಕ್ಕೆ ಸೇರ್ಪಡೆಗೊಳ್ಳುತ್ತಿದೆ. ಸೋಲಾರ್‌ ಪಾರ್ಕ್‌ ಈ ಸಮಸ್ಯೆಗಳಿಗೆ ಇತಿಶ್ರೀ ಹಾಡಲಿದೆ.