Panaji: ಗೋವಾದ ಧಾರಾಬಾಂದೋಡ ವಂದಾಲದಲ್ಲಿ ಕರಿ ಚಿರತೆ ಪ್ರತ್ಯಕ್ಷ… ಆತಂಕದ ವಾತಾವರಣ

Team Udayavani, Nov 13, 2023, 6:27 PM IST

ಪಣಜಿ: ಕೆಲ ದಿನಗಳ ಹಿಂದೆ ಗೋವಾದ ಧಾರಾಬಾಂದೋಡ ವಂದಾಲದಲ್ಲಿ ಕರಿ ಚಿರತೆಯೊಂದು ಪತ್ತೆಯಾಗಿದ್ದು ಸ್ಥಳೀಯರಲ್ಲಿ ಭಯದ ವಾತಾವರಣ ಸೃಷ್ಟಿಯಾಗಿದೆ.

ವಂದಾಲದಲ್ಲಿರುವ ಅತುಲ್ ನಾಯ್ಕ ಎಂಬುವವರ ಮನೆಯ ಹೊರಭಾಗದ ಸಿಸಿಟಿವಿ ಕ್ಯಾಮೆರಾದಲ್ಲಿ ಕಪ್ಪು ಚಿರತೆ ಕಾಣಿಸಿಕೊಂಡಿದ್ದು ಸ್ಥಳೀಯರು ಆತಂಕಕ್ಕೆ ಒಳಗಾಗಿದ್ದಾರೆ.

ಕಪ್ಪು ಚಿರತೆ ಮುಕ್ತವಾಗಿ ವಿಹರಿಸುತ್ತಿದ್ದು ಚಿರತೆ ಪತ್ತೆಯಾಗುತ್ತಿದ್ದಂತೆ ಹಳ್ಳಿಯ ಅನೇಕ ಸಾಕು ಪ್ರಾಣಿಗಳನ್ನು ಬೇಟೆಯಾಡಿರುವ ಕುರಿತು ಮಾಹಿತಿ ಹೊರಬಿದ್ದಿದೆ. ಕೆಲ ದಿನಗಳ ಹಿಂದೆ ಚಿರತೆ ಕಾಣಿಸಿಕೊಂಡಾಗ ಕೋಲೆ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಮಾಹಿತಿ ನೀಡಲಾಗಿತ್ತು. ಅರಣ್ಯ ಇಲಾಖೆ ತಂಡ ಸ್ಥಳಕ್ಕೆ ಭೇಟಿ ನೀಡಿದಾಗ ಗ್ರಾಮದ 15ಕ್ಕೂ ಹೆಚ್ಚು ಸಾಕುನಾಯಿಗಳನ್ನು ಕರಿಚಿರತೆ ಕೊಂದು ಹಾಕಿದೆ ಎಂದು ಸ್ಥಳೀಯರು ಹೇಳಿದ್ದಾರೆ. ಈ ಹಿಂದೆ ಏಪ್ರಿಲ್ 1 ರಂದು ಬಲಿ ಕೆಪೆಯ ಬಳಿ ಅರಣ್ಯ ಇಲಾಖೆ ಬಲೆಗೆ ಕಪ್ಪು ಚಿರತೆ ಸಿಕ್ಕಿಬಿದ್ದಿದ್ದು ಪಶುವೈದ್ಯರ ಮೇಲ್ವಿಚಾರಣೆಯಲ್ಲಿ ವನ್ಯಜೀವಿ ಅಭಯಾರಣ್ಯದಲ್ಲಿ ಕಪ್ಪು ಚಿರತೆಯನ್ನು ಬಿಡಲಾಗಿತ್ತು.

ಇದನ್ನೂ ಓದಿ: Dipavali: ನಾಗರಿಕತೆಯ ನಡುವೆಯೂ ಗ್ರಾಮೀಣ ಸಂಸ್ಕೃತಿ ಉಳಿವಿಗೆ ಪಾಂಡವರು ಸಾಕ್ಷಿ