ಪುಸ್ತಕ ನೋಡಿ ಪರೀಕ್ಷೆ ಬರೆಯಲು ಅನುಮತಿ!

Team Udayavani, Nov 25, 2018, 6:00 AM IST

ಹೊಸದಿಲ್ಲಿ: ಮುಂಬರುವ ಶೈಕ್ಷಣಿಕ ವರ್ಷದಿಂದ ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳಿಗೆ ಪುಸ್ತಕ ನೋಡಿಕೊಂಡೇ ಪರೀಕ್ಷೆ ಬರೆಯಲು ಅವಕಾಶ ಕಲ್ಪಿಸುವ ಬಗ್ಗೆ ಅಖೀಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ (ಎಐಸಿಟಿಇ) ಚಿಂತನೆ ನಡೆಸಿದೆ. ಎಐಸಿಟಿಇ ಅನುಮೋದಿತ ಎಂಜಿನಿಯರಿಂಗ್‌ ಕಾಲೇಜುಗಳಿಗೆ ಈ ನಿಯಮ ಅನ್ವಯಿಸಲಿದ್ದು, ಹೇಗೆ ಪರೀಕ್ಷೆ ನಡೆಸಬೇಕು ಮತ್ತು ಪ್ರಶ್ನೆಪತ್ರಿಕೆಯನ್ನು ಹೇಗೆ ರೂಪಿಸಬೇಕು ಎಂಬ ಬಗ್ಗೆಯೂ ಮಂಡಳಿ ನಿರ್ದೇಶನಗಳನ್ನು ರೂಪಿಸಿದೆ. 

ಈ ವಿಧಾನದಿಂದ ಭಾರತದ ಎಂಜಿನಿಯರಿಂಗ್‌ ಶಿಕ್ಷಣದ ಗುಣಮಟ್ಟ ವೃದ್ಧಿಸುವ ನಿರೀಕ್ಷೆಯಿದೆ. ಸದ್ಯ ನಡೆಸುತ್ತಿರುವ ಪರೀಕ್ಷೆಗಳಿಂದ ವಿದ್ಯಾರ್ಥಿಯ ಜ್ಞಾನವನ್ನು ಅಳೆಯಬಹುದಾಗಿದೆ. ಹೊಸ ನಿಯಮಾವಳಿಯ ಮೂಲಕ ನಾವು ನಮ್ಮ ಶಿಕ್ಷಣ ಹಾಗೂ ಉದ್ಯಮವು ಅಳವಡಿಸಿಕೊಂಡ ರೂಪುರೇಷೆಯನ್ನು ಆಧರಿಸಿ ವಿಶ್ಲೇಷಣೆ ಮಾಡಲು ಅನುವು ಮಾಡಿಕೊಡಲಿದ್ದೇವೆ ಎಂದು ಎಐಸಿಟಿಇ ಪರೀಕ್ಷೆ ಸುಧಾರಣೆ ಸಮಿತಿ ಮುಖ್ಯಸ್ಥ ಅಶೋಕ್‌ ಶೆಟ್ಟರ್‌ ಹೇಳಿದ್ದಾರೆ.