Loksabha election: ಎಐಎಡಿಎಂಕೆ ಅಭ್ಯರ್ಥಿ ಬಳಿ 583 ಕೋಟಿ ರೂ. ಆಸ್ತಿ

Team Udayavani, Mar 26, 2024, 11:42 PM IST

ಚೆನ್ನೈ: ತಮಿಳುನಾಡಿನ ಈರೋಡ್‌ ಲೋಕಸಭಾ ಕ್ಷೇತ್ರದ ಎಐಎಡಿಎಂಕೆ ಅಭ್ಯರ್ಥಿ ಅತ್ರಾಳ್‌ ಅಶೋಕ್‌ ಕುಮಾರ್‌ ನಾಮಪತ್ರ ಸಲ್ಲಿಸಿದ್ದಾರೆ. ಚುನಾವಣ ಆಯೋಗಕ್ಕೆ ಸಲ್ಲಿಸಿರುವ ಅಫಿದವಿತ್‌ ಪ್ರಕಾರ, 583.48 ಕೋಟಿ ರೂ. ಆಸ್ತಿ ಹೊಂದಿದ್ದಾರೆ.

ಬಿಜೆಪಿ ಶಾಸಕಿ ಡಾ| ಸಿ.ಸರಸ್ವತಿ ಅವರ ಪುತ್ರಿಯಾಗಿರುವ ಪತ್ನಿ ಕರುಣಾಂಬಿಕ ಹೆಸರಲ್ಲಿ 69.98 ಕೋ.ರೂ. ಆಸ್ತಿ ಇದೆ. ಅಶೋಕ್‌ ಕುಮಾರ್‌ 10 ಲಕ್ಷ ರೂ. ನಗದು, 10.1 ಕೆ.ಜಿ. ಚಿನ್ನ, 526.53 ಕೋ.ರೂ. ಮೌಲ್ಯದ ಸ್ಥಿರ ಆಸ್ತಿ ಹೊಂದಿದ್ದಾರೆ. ಇವರು ಟಿಐಪಿಎಸ್‌ ಶೈಕಣಿಕ ಸಂಸ್ಥೆ ಹಾಗೂ ಅಮೆಕ್ಸ್‌ ಅಲಾಯ್ಸ ಪ್ರೈ. ಲಿ.ನ ಸಂಸ್ಥಾಪಕ ಸದಸ್ಯ ಮತ್ತು ನಿರ್ದೇಶಕರಾಗಿದ್ದಾರೆ.

ರಾಧಿಕಾ ಆಸ್ತಿ ಮೌಲ್ಯ 53.45 ಕೋ.ರೂ.: ವಿರುಧ್‌ನಗರ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ, ನಟಿ ರಾಧಿಕಾ ಶರತ್‌ಕುಮಾರ್‌ ನಾಮಪತ್ರ ಸಲ್ಲಿಸಿದ್ದಾರೆ.ಅವರು ಒಟ್ಟು 53.45 ಕೋ. ರೂ. ಆಸ್ತಿ ಹೊಂದಿದ್ದಾರೆ. 27 ಕೋ. ರೂ. ಮೌಲ್ಯದ ಸ್ಥಿರ ಆಸ್ತಿ ಒಳಗೊಂಡಿದೆ.

ಚೆನ್ನೈ ಲೋಕಸಭಾ ಕ್ಷೇತ್ರದ ಡಿಎಂಡಿಕೆ ಅಭ್ಯರ್ಥಿ ವಿ.ವಿಜಯ ಪ್ರಭಾಕರನ್‌, ಅವರು ಒಟ್ಟು 17.95 ಕೋಟಿ ರೂ. ಆಸ್ತಿ ಹೊಂದಿದ್ದಾರೆ.