ಪ್ರಿಯಕರನನ್ನು ತೊರೆಯಲು ಒಲ್ಲದ ಮಗಳನ್ನು ಕೊಲ್ಲಲು ಲಕ್ಷ ರೂ. ಸುಪಾರಿ!

Team Udayavani, Aug 7, 2022, 9:06 PM IST

ಲಕ್ನೋ: ತನ್ನ ಸತತ ಸೂಚನೆ ಮೇರೆಗೆ ಪ್ರಿಯಕರನನ್ನು ತೊರೆಯಲು ಒಲ್ಲದ ಸ್ವಂತ ಮಗಳನ್ನು ಕೊಲ್ಲಲು ತಂದೆಯೇ 1 ಲಕ್ಷ ರೂ. ಸುಪಾರಿ ಕೊಟ್ಟಿದ್ದ ಘಟನೆ ಲಕ್ನೋದಲ್ಲಿ ನಡೆದಿದೆ.

ಆಕೆ ಅನಾರೋಗ್ಯಕ್ಕೊಳಗಾಗಿದ್ದನ್ನೇ ನೆಪವಾಗಿಸಿಕೊಂಡು ಖಾಸಗಿ ಆಸ್ಪತ್ರೆಗೆ ದಾಖಲಿಸಿ, ಅಲ್ಲಿದ್ದ ವಾರ್ಡ್‌ಬಾಯ್‌ ಒಬ್ಬನಿಗೆ ಮಗಳನ್ನು ಕೊಲ್ಲುವಂತೆ ಸೂಚಿಸಿ 90 ಸಾವಿರ ರೂ. ಮುಂಗಡ ನೀಡಿದ್ದ. ವಾರ್ಡ್‌ ಬಾಯ್‌, ವೈದ್ಯರ ದಿರಿಸು ಧರಿಸಿ ರಾತ್ರಿ ವೇಳೆ ಆಕೆಗೆ ರಾಸಾಯನಿಕ ಇಂಜೆಕ್ಷನ್‌ ನೀಡಿದ್ದ. ತಪಾಸಣೆ ನಡೆಸಿದ ವೈದ್ಯರಿಗೆ ಆಕೆಯ ದೇಹದಲ್ಲಿ ರಾಸಾಯನಿಕ ಪತ್ತೆಯಾದಾಗ ಪೊಲೀಸರಿಗೆ ಪ್ರಕರಣ ರವಾನಿಸಿದ್ದರು.

ಇದನ್ನೂ ಓದಿ: ಪ್ರವೀಣ್ ನೆಟ್ಟಾರ್ ಕೊಲೆ ಪ್ರಕರಣ: ಮತ್ತಿಬ್ಬರು ಆರೋಪಿಗಳ ಬಂಧನ

ಸಿಸಿಟಿವಿ ಫ‌ೂಟೇಜ್‌ ಆಧಾರದಲ್ಲಿ ವಾರ್ಡ್‌ಬಾಯ್‌ ಬಂಧಿಸಲಾಗಿದ್ದು, ಆತ ವಿಚಾರ ಬಾಯಿಬಿಟ್ಟಿದ್ದಾನೆ.