Ludhiana;ಶಿವಸೇನಾ ನಾಯಕನ ಮೇಲೆ ಹಾಡಹಗಲೇ ನಡುರಸ್ತೆಯಲ್ಲಿ ನಿಹಾಂಗ್ ಸಿಖ್ಖರಿಂದ ದಾಳಿ| Video

Team Udayavani, Jul 6, 2024, 8:55 AM IST

ಲೂಧಿಯಾನಾ: ಶಿವಸೇನಾ ಪಂಜಾಬ್ ನಾಯಕ ಸಂದೀಪ್ ಥಾಪರ್ ಗೋರಾ ಅವರ ಮೇಲೆ ಲೂಧಿಯಾನದಲ್ಲಿ ನಿಹಾಂಗ್ ಸಿಖ್ ವೇಷಧಾರಿ ಇಬ್ಬರು ವ್ಯಕ್ತಿಗಳು ಕತ್ತಿಗಳಿಂದ ಕ್ರೂರವಾಗಿ ಹಲ್ಲೆ ನಡೆಸಿದ್ದಾರೆ. ಚಿಂತಾಜನಕ ಸ್ಥಿತಿಯಲ್ಲಿದ್ದ ಸಂದೀಪ್ ಥಾಪರ್ ಅವರನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.

ಹುತಾತ್ಮ ಯೋಧ ಸುಖದೇವ್ ಥಾಪರ್ ಅವರ ವಂಶಸ್ಥರೂ ಆಗಿರುವ ಸಂದೀಪ್ ಥಾಪರ್ ಅವರು ಭಾಷಣ ಮಾಡಿದ ನಂತರ ಅವರ ದಾಳಿ ನಡೆಸಿದ್ದಾರೆ.

ಶುಕ್ರವಾರ ಬೆಳಿಗ್ಗೆ, ಸಂದೀಪ್ ತನ್ನ ಗನ್‌ ಮ್ಯಾನ್‌ ನೊಂದಿಗೆ ಸಿವಿಲ್ ಆಸ್ಪತ್ರೆಯನ್ನು ನಡೆಸುತ್ತಿರುವ ಸಂವೇದನಾ ಟ್ರಸ್ಟ್‌ ನ ಅಧ್ಯಕ್ಷ ರವೀಂದರ್ ಅರೋರಾ ಅವರ ಪುಣ್ಯತಿಥಿ ಸಮಾರಂಭದಲ್ಲಿ ಭಾಗವಹಿಸಲು ಬಂದಿದ್ದರು.

ಪೂಜೆ ಸಲ್ಲಿಸಿ ಹೊರಬಂದ ಕೂಡಲೇ ನಿಹಾಂಗ್ ಸಿಖ್ ವೇಷ ಧರಿಸಿದ್ದ ಇಬ್ಬರು ಯುವಕರು ಆತನ ಗನ್ ಮ್ಯಾನ್ ಎದುರೇ ಹರಿತವಾದ ಆಯುಧಗಳು ಹಾಗೂ ಕತ್ತಿಗಳಿಂದ ಹಲ್ಲೆ ನಡೆಸಿದ್ದಾರೆ.

ದುಷ್ಕರ್ಮಿಗಳು ಜನನಿಬಿಡ ರಸ್ತೆಯಲ್ಲಿ ಅವರ ಸ್ಕೂಟರ್ ನಿಲ್ಲಿಸಿ ಕತ್ತಿಗಳಿಂದ ಹೊಡೆತಗಳ ಮಳೆಗರೆಯುತ್ತಿರುವುದನ್ನು ಸಿಸಿಟಿವಿ ದೃಶ್ಯಾವಳಿಗಳು ತೋರಿಸಿವೆ. ಥಾಪರ್ ಅವರ ಬಂದೂಕುಧಾರಿ ಮೂಕ ಪ್ರೇಕ್ಷಕರಂತೆ ನೋಡುತ್ತಿದ್ದಾರೆ.

Punjab Shiv Sena leader Sandeep Thapar, who is also descendant of Indian Freedom fighter and martyr Sukhdev, has been assaulted with swords by a group of Nihang Sikhs outside Ludhiana Civil Hospital in Punjab.
I’m Sure You Can Spot Punjab Police In This Video.
Law And Order… pic.twitter.com/1qBZiBNJhp

— Desidudewithsign (@Nikhilsingh21_) July 5, 2024

ದಾಳಿಕೋರರಲ್ಲಿ ಒಬ್ಬನು ತನ್ನ ಮೇಲೆ ದಾಳಿಯನ್ನು ಮುಂದುವರೆಸುತ್ತಿದ್ದರೂ ಸಹ ಶಿವಸೇನೆ ನಾಯಕನು ತನ್ನ ಸಮತೋಲನವನ್ನು ಕಳೆದುಕೊಂಡು ರಸ್ತೆಯಲ್ಲಿ ಬೀಳುವುದನ್ನು ವೀಡಿಯೊ ತೋರಿಸುತ್ತದೆ. ನಂತರ ಇಬ್ಬರು ದಾಳಿಕೋರರು ಸ್ಕೂಟರ್‌ನಲ್ಲಿ ಹೋಗುತ್ತಿರುವುದು ಕಂಡುಬಂದಿದೆ.