ಎಂ ಜೆ ಅಕ್ಬರ್‌ ಮಾನಹಾನಿ ದಾವೆ: ಪತ್ರಕರ್ತೆ ಪ್ರಿಯಾ ರಮಣಿಗೆ ಜಾಮೀನು

Team Udayavani, Feb 25, 2019, 5:41 AM IST

ಹೊಸದಿಲ್ಲಿ : ತನ್ನ ವಿರುದ್ಧ ಲೈಂಗಿಕ ದುರ್ವರ್ತನೆ ತೋರಿದ್ದರೆಂದು ಆರೋಪಿಸಿದ ಕಾರಣಕ್ಕೆ ಮಾಜಿ ಕೇಂದ್ರ ಸಚಿವ ಎಂ ಜೆ ಅಕ್‌ಬರ್‌ ಅವರು ದಾಖಲಿಸಿದ್ದ  ಮಾನನಷ್ಟ  ದಾವೆಯ ಓರ್ವ ಆರೋಪಿಯಾಗಿ ಸಮನ್ಸ್‌ ಪಡೆದಿದ್ದ ಪತ್ರಕರ್ತೆ ಪ್ರಿಯಾ ರಮಣಿ ಅವರಗೆ ದಿಲ್ಲಿ ಕೋರ್ಟ್‌ ಇಂದು ಸೋಮವಾರ ಜಾಮೀನು ಮಂಜೂರು ಮಾಡಿದೆ.

ಹೆಚ್ಚುವರಿ ಮುಖ್ಯ ಮೆಟ್ರೋಪಾಲಿಟನ್‌ ಮ್ಯಾಜಿಸ್ಟ್ರೇಟ್‌ ಸಮರ್‌ ವಿಶಾಲ್‌ ಅವರು ಪ್ರಿಯಾ ರಮಣಿ ಅವರಿಗೆ 10,000 ಬಾಂಡ್‌ ಆಧಾರದ ಮೇಲೆ ಜಾಮೀನು ಮಂಜೂರು ಮಾಡಿದರು. 

ಹ್ಯಾಶ್‌ ಟ್ಯಾಗ್‌ ಮೀ ಟೂ ಆಂದೋಲನದ ಭಾಗವಾಗಿ, ಎಂ ಜೆ ಆಕ್‌ಬರ್‌ ವಿರುದ್ಧ ಪ್ರಿಯಾ ರಮಣಿ ಮಾಡಿದ್ದ ಆರೋಪಗಳು ಮೇಲ್ನೋಟಕ್ಕೇ ಮಾನಹಾನಿಕರವೆಂದು ಕೋರ್ಟ್‌ ಪರಿಗಣಿಸಿದ್ದ ಕಾರಣ ಆಕೆಗೆ ತನ್ನ ಮುಂದೆ ಹಾಜರಾಗುವಂತೆ ಆದೇಶಿಸಿತ್ತು.

ಅಕ್‌ಬರ್‌ ಅವರು ಪ್ರಿಯಾ ರಮಣಿ ಅವರ ಎಲ್ಲ ಆರೋಪಗಳನ್ನು “ಸುಳ್ಳು ಮತ್ತು ಕಪೋಲಕಲ್ಪಿತ’ ಎಂದು ಹೇಳಿ ಅವುಗಳನ್ನು ಅಲ್ಲಗಳೆದಿದ್ದರು.