ಝೂಮ್ ಮೀಟಿಂಗ್ ನಲ್ಲಿದ್ದ ಪತಿಗೆ ಕಿಸ್…ವಿಡಿಯೋ ವೈರಲ್  

Team Udayavani, Feb 20, 2021, 6:30 PM IST

ಮುಂಬೈ : ಕಳೆದೆರಡು ದಿನಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ಸಂಚಲನ ಮೂಡಿಸಿದ್ದ ಸ್ವಾತಿ ‘ವಿಡಿಯೋ’ ಪ್ರಸಂಗ ಮಾಸುವ ಮುನ್ನವೇ ಅಂತಹದೇ ಮತ್ತೊಂದು ವಿಡಿಯೋ ಈಗ ಸಖತ್ ವೈರಲ್ ಆಗುತ್ತಿದೆ.

ಝೂಮ್ ಮೀಟಿಂಗ್ ನಲ್ಲಿದ್ದ ಪತಿಗೆ ಪತ್ನಿಯೋರ್ವಳು ಮುತ್ತು ಕೊಡಲು ಮುಂದಾದ ದೃಶ್ಯ ವಿಡಿಯೋದಲ್ಲಿದೆ. ಈ ವಿಡಿಯೋದಲ್ಲಿರುವ ದಂಪತಿಯ ಹೆಸರು ಹಾಗೂ ಇದು ನಡೆದಿರುವುದು ಎಲ್ಲಿ ಎಂಬುದರ ಮಾಹಿತಿ ಲಭ್ಯವಾಗಿಲ್ಲವಾದರೂ, ಫನ್ನಿಯಾಗಿರೋ ಈ ವಿಡಿಯೋ 3.2 ಲಕ್ಷ ವೀಕ್ಷಣೆಯಾಗಿದೆ.

ಮೀಟಿಂಗ್ ನಲ್ಲಿ ಬ್ಯುಸಿಯಾಗಿದ್ದ ಗಂಡನ ಬಳಿ ಆಗಮಿಸಿದ ಹೆಂಡತಿ, ಆತನ ಕೆನ್ನೆಗೆ ಮುತ್ತಿಕ್ಕಲು ಮುಂದಾಗುತ್ತಾಳೆ. ಇದರಿಂದ ಕಸಿವಿಸಿಗೊಂಡ ಪತಿ, ಏ ಏನ್ ಮಾಡ್ತೀದಿಯಾ ? ಕ್ಯಾಮರಾ ಆನ್ ಇದೆ ಎಂದು ಸಿಟ್ಟಿನಿಂದ ಹೇಳುತ್ತಾನೆ. ಗಂಡನ ಕೋಪಕ್ಕೆ ಪತ್ನಿ ಮುಗುಳ್ನಗೆ ಬೀರಿ ಸುಮ್ಮನಾಗುತ್ತಾಳೆ.

ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ ನಲ್ಲಿರುವ ಈ ವಿಡಿಯೋ ಉದ್ಯಮಿ ಹರ್ಷಾ ಗೋಯಂಕಾ ಟ್ವಿಟರ್ ನಲ್ಲಿ ಶೇರ್ ಮಾಡಿದ್ದರು. ಇವರ ಟ್ವಿಟ್ ಗೆ ಕಾಮೆಂಟ್ ಮಾಡಿರುವ ಮತ್ತೋರ್ವ ಉದ್ಯಮಿ ಆನಂದ್ ಮಹೇಂದ್ರ, ನಾನು ಇವರನ್ನ ’Wife of the year’ಗೆ ನಾಮಿನೇಟ್ ಮಾಡಲು ಬಯಸುತ್ತೇನೆ. ಪತಿ ಕೂಡ ಖುಷಿಯಿಂದ ಪ್ರತಿಕ್ರಿಯಿಸಿದ್ದರೆ ಈ ದಂಪತಿಯನ್ನು ನಾಮನಿರ್ದೇಶನ ಮಾಡುತ್ತಿದ್ದೆ. ಆದರೆ, ಆ ಪತಿ ಈ ಅವಕಾಶ ಮಿಸ್ ಮಾಡಿಕೊಂಡ ಎಂದು ಹಾಸ್ಯಚಟಾಕಿ ಹಾರಿಸಿದ್ದಾರೆ.

Haha. I nominate the lady as the Wife of the Year. And if the husband had been more indulgent and flattered, I would have nominated them for Couple of the Year but he forfeited that because of his grouchiness! @hvgoenka https://t.co/MVCnAM0L3W

— anand mahindra (@anandmahindra) February 19, 2021

ಏನಿದು ಸ್ವಾತಿ ವಿಡಿಯೋ ?

ಆನ್ ಲೈನ್ ಕ್ಲಾಸ್ ವೇಳೆ ಸ್ವಾತಿ ಹೆಸರಿನ ವಿದ್ಯಾರ್ಥಿನಿ ಅಶ್ಲೀಲವಾಗಿ ಮಾತಾಡಿದ್ದಳು. ತನ್ನ ಮೈಕ್ ಆಫ್ ಇದೆ ಎಂದು ತಿಳಿದುಕೊಂಡು ಗೆಳೆಯನ ಕುರಿತು ಖಾಸಗಿ ವಿಚಾರ ಹಂಚಿಕೊಂಡಿದ್ದಳು. ಆದರೆ, ಇದು ಆನ್ ಲೈನ್ ಕ್ಲಾಸ್ ನಲ್ಲಿ ಭಾಗಿಯಾಗಿದ್ದ ಶಿಕ್ಷಕಿ ಹಾಗೂ ಆಕೆಯ ಸಹಪಾಠಿಗಳಿಗೂ ಕೇಳಿಸಿತ್ತು. ಈ ವಿಡಿಯೋ ಸಖತ್ ವೈರಲ್ ಆಗಿತ್ತು.