ಸಿಂಹದೊಂದಿಗೆ ಕುಚೇಷ್ಟೆ ಮಾಡಲು ಹೋಗಿ ಪೇಚಿಗೆ ಸಿಲುಕಿದ ಯುವಕ-ವಿಡಿಯೋ ವೈರಲ್‌

Team Udayavani, Nov 24, 2021, 8:45 PM IST

ಹೈದರಾಬಾದ್‌: ಸಿಂಹವೆಂದರೆ ಎಂಥವರೂ ಹೆದರುತ್ತಾರೆ. ಹಾಗಿರುವಾಗ ವ್ಯಕ್ತಿ ಮೃಗಾಲಯದಲ್ಲಿರುವ ಸಿಂಹದೊಂದಿಗೆ ಕುಚೇಷ್ಟೆ ಮಾಡಲು ತೆರಳಿದ್ದು, ಪೇಚಿಗೆ ಸಿಲುಕಿದ್ದಾನೆ.

ಸಾಯಿ ಕುಮಾರ್‌(31) ಎಂಬಾತ ಹೈದರಾಬಾದ್‌ನ ನೆಹರೂ ಮೃಗಾಲಯಕ್ಕೆ ಮಂಗಳವಾರ ಭೇಟಿ ಕೊಟ್ಟಿದ್ದಾನೆ.

ಅಲ್ಲಿ ಆತ ಸಿಂಹವಿರುವ ಸ್ಥಳದ ಬೇಲಿ ಹಾರಿ ಬಂಡೆಯ ಮೇಲೆ ನಡೆದುಹೋಗಲಾರಂಭಿಸಿದ್ದಾನೆ.

ಆ ಹೊತ್ತಿಗೆ ಬಂಡೆಯ ಕೆಳಗಿದ್ದ ಸಿಂಹ ಆತನನ್ನು ಕಂಡಿದ್ದು, ಗುರಿಯಿಟ್ಟು ಆತನನ್ನೇ ನೋಡಲಾರಂಭಿಸಿದೆ. ಹೆದರಿದ ಸಾಯಿ ಅಲ್ಲಿಯೇ ಸುಮ್ಮನೆ ಕುಳಿತಿದ್ದಾನೆ.

ಇದನ್ನೂ ಓದಿ:ಸೋನಿಯಾ ಕ್ಷೇತ್ರದ ಕಾಂಗ್ರೆಸ್ ಶಾಸಕಿ ಅದಿತಿ ಸಿಂಗ್ ಬಿಜೆಪಿ ಸೇರ್ಪಡೆ

ಮೃಗಾಲಯದಲ್ಲಿದ್ದ ಇತರರು ಅದನ್ನು ಕಂಡು, ಸಹಾಯಕ್ಕಾಗಿ ಕೂಗಿದ್ದಾರೆ. ನಂತರ ಮೃಗಾಲಯದ ಸಿಬ್ಬಂದಿ ಬಂದು, ಸಾಯಿಯನ್ನು ಕಾಪಾಡಿದ್ದಾರೆ.

ಪೊಲೀಸ್‌ ದೂರು ದಾಖಲಿಸಲಾಗಿದ್ದು, ಆತನನ್ನು ಪೊಲೀಸರಿಗೆ ಒಪ್ಪಿಸಲಾಗಿದೆ.ಆ ಘಟನೆಯ ವಿಡಿಯೋ ವೈರಲ್‌ ಆಗಿದೆ.

A man was enters into the #Lion enclosure, walking on the boulders of #AfricanLion moat area, at #NehruZoologicalPark, #Hyderabad.

The person was rescued and caught by the #zoo staff and handed over to Bahadurpura police. pic.twitter.com/RO3TW2fh3G

— Surya Reddy (@jsuryareddy67) November 23, 2021