ಸೇನಾ ನೇಮಕಾತಿ ವೇಳೆ ಗ್ರೆನೇಡ್ ಹಿಡಿದು ಬಂದಿದ್ದ ವ್ಯಕ್ತಿಯ ಬಂಧನ!

Team Udayavani, Mar 11, 2019, 11:17 AM IST

ಜಮ್ಮು-ಕಾಶ್ಮೀರ: ಎರಡು ಗ್ರೆನೇಡ್ ಹಿಡಿದುಕೊಂಡು ಬರುತ್ತಿದ್ದ 34ರ ಹರೆಯದ ಯುವಕನೊಬ್ಬನನ್ನು ಭದ್ರತಾ ಪಡೆಗಳು ಬಂಧಿಸಿರುವ ಘಟನೆ ಪೂಂಚ್ ಜಿಲ್ಲೆಯ ಸೂರಾನ್ ಕೋಟೆಯ ಸೇನಾ ನೇಮಕಾತಿ ಕಚೇರಿ ಬಳಿ ನಡೆದಿದೆ.

ಬಂಧಿತ ವ್ಯಕ್ತಿಯನ್ನು ರಜೌರಿ ಜಿಲ್ಲೆಯ ಕಾಲಾಕೋಟೆ ನಿವಾಸಿ ರಾಜಿಂದರ್ ಸಿಂಗ್ ಎಂದು ಗುರುತಿಸಲಾಗಿದೆ. ಈತನಿಂದ ಟ್ರೈನಿಂಗ್ ಗ್ರೆನೇಡ್ ಮತ್ತು ಯುಬಿಜಿಎಲ್ ಗ್ರೆನೇಡ್ ಅನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪ್ರಾಥಮಿಕ ತನಿಖೆ ವೇಳೆ, ಯಾರು ಶಸ್ತ್ರಾಸ್ತ್ರ ಮತ್ತು ಸ್ಫೋಟಕಗಳನ್ನು ಹಿಡಿದುಕೊಂಡು ಹೋಗುತ್ತಾರೋ ಅಂತಹವರಿಗೆ ನೇಮಕಾತಿಯಲ್ಲಿ ಆದ್ಯತೆ ಸಿಗುತ್ತದೆ ಎಂದು ಯಾರೋ ಹೇಳಿದ್ದರು. ಅದಕ್ಕಾಗಿ ತಾನು ಗ್ರೆನೇಡ್ ಜೊತೆ ಬಂದಿರುವುದಾಗಿ ಸಿಂಗ್ ತಿಳಿಸಿದ್ದಾನೆ.

ರಾಜಿಂದರ್ ಸಿಂಗ್ ಹೇಳಿಕೆ ಪಡೆದುಕೊಂಡಿರುವ ಪೊಲೀಸರು, ಈತನಿಗೆ ಈ ಸ್ಫೋಟಕ ಎಲ್ಲಿ ದೊರೆಯಿತು, ಆತ ಯಾಕೆ ತಂದ ಎಂಬುದರ ಬಗ್ಗೆ ಕೂಲಂಕಷವಾಗಿ ತನಿಖೆ ನಡೆಸಲಾಗುತ್ತಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ವಿವರಿಸಿದ್ದಾರೆ.