ಅಳಿಲು ಈ ವ್ಯಕ್ತಿಯ ಜೊತೆ ಎಷ್ಟು ಸಲುಗೆಯಿಂದ ಇದೆ ನೋಡಿ..!

Team Udayavani, Mar 21, 2021, 4:18 PM IST

ನವದೆಹಲಿ : ಪ್ರಾಣಿಗಳು ಮತ್ತು ಮಾನವರ ನಡುವಿನ ಸಂಬಂಧ ಪುರಾತನ ಕಾಲದಿಂದಲೂ ಉಳಿದುಕೊಂಡು ಬಂದಿದೆ. ಪ್ರಾಣಿಗಳು ಒಮ್ಮೆ ಮನುಷ್ಯರನ್ನು ನಂಬಿದರೆ ಅವರನ್ನು ಬಿಟ್ಟು ಹೋಗುವುದಿಲ್ಲ. ಅಷ್ಟೇ ಅಲ್ಲದೆ ಅವರುಗಳ ಜೊತೆಯಲ್ಲೇ ಭಯವಿಲ್ಲದೆ ಜೀವಿಸುತ್ತವೆ. ಇದಕ್ಕೆ ಉದಾಹರಣೆಯಂತೆ ಇದೆ ಈ ಒಂದು ವಿಡಿಯೋ.

ವ್ಯಕ್ತಿಯೊಬ್ಬ ಅಳಿಲಿಗೆ ನೀರು ಕುಡಿಸುತ್ತಿರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ವಿಡಿಯೋ ನೋಡಿದ ಹಲವರು ಇದು ಸಾಧ್ಯನಾ ಅಂತಿದ್ದಾರೆ.

ಡ್ಯಾನಿ ಡಾರ್ನೆ ಎಂಬುವವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿದ್ದಾರೆ. ವಿಡಿಯೋದಲ್ಲಿ ಕಾಣುವಂತೆ ವ್ಯಕ್ತಿಯೊಬ್ಬ ಚಿಕ್ಕ ಅಳಿಲಿಗೆ ನೀರನ್ನು ಕುಡಿಸುತ್ತಿದ್ದಾರೆ. ಬಾಟೆಲ್ ನಿಂದ ನೀರನ್ನು ಕುಡಿಸಿದ್ದು, ನಂತರ ಅದರ ತಲೆ ಸವರಿ ಮಲಗಿಸಿದ್ದಾರೆ.

ಈ ವಿಡಿಯೋವನ್ನು ನೋಡಿದ ಹಲವರು ಆ ಅಳಿಲು ಇದೀಗ ಎಲ್ಲಿದೆ, ಆ ವ್ಯಕ್ತಿ ಮತ್ತು ಅಳಿಲು ಈಗಲೂ ಜೊತೆಯಲ್ಲೇ ಇದ್ದಾರಾ?, ಮುಂದೆ ಏನಾಯ್ತು ಎಂಬ ಹತ್ತು ಹಲವು ಪ್ರಶ್ನೆಗಳನ್ನು ಕೇಳಿದ್ದಾರೆ.

ಆದ್ರೆ ಇನ್ನು ಕೆಲವರು ಕಮೆಂಟ್ ಮಾಡಿದ್ದು, ಇದು ಸಾಮಾನ್ಯವಾಗಿ ಎಲ್ಲಾ ಕಡೆ ನಡೆಯುತ್ತದೆ. ಅಳಿಲುಗಳಿಗೆ ಹಸಿವಾದಾಗ ಅಥವಾ ದಣಿವಾದಾಗ ಮನುಷ್ಯರ ಬಳಿ ಬರುತ್ತವೆ ಎಂದಿದ್ದಾರೆ.

ಅದು ಏನೇ ಇರಲಿ ಈ ವಿಡಿಯೋ ನೋಡಿದ ಮೇಲೆ ಮಾನವ ಮತ್ತು ಪ್ರಾಣಿಗಳ ನಡುವಿನ ಬಾಂಧವ್ಯ ಎಂತಹದ್ದು ಎಂಬುದು ತಿಳಿಯುತ್ತದೆ

Because you want to see a man give water to a baby squirrel. pic.twitter.com/D1TgFYI7DT

— Danny Deraney (@DannyDeraney) March 18, 2021