ನಮಗೆ VIP ಸಂಸ್ಕೃತಿ ಬೇಡ EPI ಸಂಸ್ಕೃತಿ ನಮ್ಮದಾಗಲಿ: ಮನ್‌ ಕೀ ಬಾತ್‌

Team Udayavani, Apr 30, 2017, 2:34 PM IST

ಹೊಸದಿಲ್ಲಿ : ನಮಗೆ ವಿಐಪಿ ಸಂಸ್ಕೃತಿ ಬೇಡ ಇಪಿಐ ಸಂಸ್ಕೃತಿ ನಮ್ಮದಾಗಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ  ಕರೆ ನೀಡಿದ್ದಾರೆ. 

ಭಾನುವಾರ ಆಕಾಶವಾಣಿಯ ಜನಪ್ರಿಯ ಕಾರ್ಯಕ್ರಮ ಮನ್‌ ಕೀ ಬಾತ್‌ ನ 31 ನೇ ಆವೃತ್ತಿಯಲ್ಲಿ ದೇಶವಾಸಿಗಳನ್ನುದ್ದೇಶಿಸಿ ಮಾತನಾಡಿದರು. ವಿಐಪಿ ಸಂಸ್ಕೃತಿ ಕಾರಿನಿಂದ ಹೊದರೆ ಸಾಲದು , ನಮ್ಮ ಮನಸಿನಿಂದಲೂ ಹೋಗಬೇಕು ಎಂದರು. 

ನ್ಯೂ ಇಂಡಿಯಾದಲ್ಲಿ ಇಪಿಐ ಸಂಸ್ಕೃತಿ (every person is important)ಪ್ರತಿಯೊಬ್ಬ ವ್ಯಕ್ತಿಯೂ ಪ್ರಮುಖ ಇದು ನಮ್ಮದಾಗಬೇಕು ಎಂದು ಕರೆ ನೀಡಿದರು. 

ಬಿರು ಬೇಸಗೆ ಇದೆ ಈ ವೇಳೆ ಮಕ್ಕಳು ಮತ್ತು ಯುವ ಜನತೆ ಪಶು ಪಕ್ಷಿಗಳಿಗೆ ನೀರುಣಿಸಿ , ಒಂದು ತಟ್ಟೆಯಲ್ಲಿ ಸ್ವಲ್ಪ ನೀರು ಇಡಿ ಎಂದರು. ನಿಮ್ಮ ಮನೆಯ ಬಳಿ ಬರುವ ಪೇಪರ್‌ನವರು, ಪೋಸ್ಟ್‌ಮ್ಯಾನ್‌, ಹಾಲಿನವರು, ತರಕಾರಿ ವ್ಯಾಪಾರಿಗಳು ಯಾರೇ ಬಂದರು ನೀರು ಬೇಕಾ ಎಂದು ಕೇಳಿ ಎಂದರು. 

ರಾಮಾನುಜಾಚಾರ್ಯ , ಬಸವೇಶ್ವರ ಮತ್ತು ಅಂಬೇಡ್ಕರ್‌ ವಿಚಾರಧಾರೆಗಳು ಸಮಾಜ ಪರಿವರ್ತನೆಗೆ ಕಾರಣವಾಗಿದ್ದು , ಅವಗಳನ್ನು ನಾವು ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು ಎಂದರು.