ರಸ್ತೆ ನಿರ್ಮಾಣದ ಐದು ವಾಹನಗಳಿಗೆ ಬೆಂಕಿ ಹಚ್ಚಿದ ಮಾವೋ ಉಗ್ರರು

Team Udayavani, May 15, 2019, 3:34 PM IST

ಭವಾನಿಪಟ್ನಾ, ಒಡಿಶಾ : ಕಾಳಹಂಡಿ ಜಿಲ್ಲೆಯ ಪಾನಿಮುಂಡಾ ಗ್ರಾಮದಲ್ಲಿ ರಸ್ತೆ ಕಾಮಗಾರಿಯ ಐದು ವಾಹನಗಳು ಮತ್ತು ಕೆಲವು ಯಂತ್ರೋಪಕರಣಗಳಿಗೆ ಮಾವೋ ಉಗ್ರರು ಬೆಂಕಿ ಹಚ್ಚಿ ಸುಟ್ಟಿದ್ದಾರೆ ಎಂದು ಪೊಲೀಸರು ಇಂದು ಬುಧವಾರ ತಿಳಿಸಿದ್ದಾರೆ.

ಪ್ರಧಾನ ಮಂತ್ರಿ ಗ್ರಾಮ ಸಡಕ್‌ ಯೋಜನೆಯಡಿ ರಸ್ತೆ ನಿರ್ಮಾಣ ಕಾರ್ಯದಲ್ಲಿ ತೊಡಗಿರುವ ಗುತ್ತಿಗೆದಾರರೋರ್ವರ ಆವರಣಕ್ಕೆ ನುಗ್ಗಿದ ಸಶಸ್ತ್ರ ಮಾವೋ ಉಗ್ರರು ಅಲ್ಲಿದ್ದ ರಸ್ತೆ ನಿರ್ಮಾಣ ಯಂತ್ರೋಪಕರಣಗಳು ಮತ್ತು ವಾಹನಗಳಿಗೆ ಬೆಂಕಿ ಹಚ್ಚಿದರೆಂದು ಕಾಳಹಂಡಿ ಪೊಲೀಸ್‌ ಸುಪರಿಂಟೆಂಡೆಂಟ್‌ ಬಿ ಗಂಗಾಧರ ತಿಳಿಸಿದರು.

ಕಾಳಹಂಡಿ ಜಿಲ್ಲೆಯಲ್ಲಿನ ಉರ್ಲಾದಾನಿ ಮತ್ತು ಲಹಾಡಿ ನಡುವೆ ಹೊಸ ಗ್ರಾಮೀಣ ರಸ್ತೆ ನಿರ್ಮಾಣವಾಗುವುದನ್ನು ಮಾವೋ ಉಗ್ರರು ವಿರೋಧಿಸಿಕೊಂಡು ಬಂದಿದ್ದಾರೆ ಎಂದು ಪೊಲೀಸರು ತಿಳಿಸಿದರು.