ಫೇಸ್‌ಬುಕ್‌ ಪ್ರಿಯತಮೆ ಕೊಂದು ಸಮಾಧಿ ಕಟ್ಟಿದ ಭೂಪ!

Team Udayavani, Feb 4, 2017, 3:45 AM IST

ಭೋಪಾಲ್‌: ಸಾಮಾಜಿಕ ಜಾಲತಾಣದಲ್ಲಿ ಚಿಗುರಿದ ಸಂಬಂಧ ಪ್ರಿಯಕರನ ಮನೆಯಲ್ಲೇ ಸಮಾಧಿಯಾದ ಘಟನೆಯಿದು! ಭೋಪಾಲ್‌ ಹುಡುಗನೊಂದಿಗೆ ಲಿವಿಂಗ್‌ ಟುಗೆದರ್‌ ಆಗಿದ್ದ ಕೋಲ್ಕತ್ತಾದ ಆಕಾಂಕ್ಷಾ (28), ಪ್ರಿಯಕರನ ಮನೆಯಲ್ಲಿ ಹೂತು ಹೋಗಿ ಎರಡು ತಿಂಗಳೇ ಆಗಿವೆ! ಆದರೆ, ಆಕೆಯ ಹೆತ್ತವರು ಮಾತ್ರ  ಮಗಳು ಅಮೆರಿಕಕ್ಕೆ ಹೋಗಿದ್ದಾಳೆಂದೇ ನಂಬಿ ಕುಳಿತಿದ್ದಾರೆ!

ಫೇಸ್‌ಬುಕ್ಕಲ್ಲಿ ಪರಿಚಯವಾದ ಉದಯನ್‌ ದಾಸ್‌ ಜತೆ ಆಕಾಂಕ್ಷಾ ಲಿವ್‌-ಇನ್‌ ಸಂಬಂಧದಲ್ಲಿದ್ದರು. ಆದರೆ, ಕಳೆದ ಡಿಸೆಂಬರ್‌ನಲ್ಲಿ ಪ್ರೀತಿಯಲ್ಲಿ ಬಿರುಕು ಮೂಡಿ, ಉದಯನ್‌ ಈಕೆಯನ್ನು ಬರ್ಬರವಾಗಿ ಕೊಂದು ತನ್ನ ಮೊದಲನೇ ಮಹಡಿಯ ಮನೆಯೊಳಗೆ ಸಮಾಧಿ ಮಾಡಿದ್ದ.  ಈ ಪ್ರಕರಣ ಭೇದಿಸಿದ ಪಶ್ಚಿಮ ಬಂಗಾಳ ಪೊಲೀಸರು ಉದಯನ್‌ನನ್ನು ಬಂಧಿಸಿದ್ದಾರೆ.

6 ತಾಸು ಕಾರ್ಯಾಚರಣೆ: ಆಕಾಂಕ್ಷ ಶವವನ್ನು ಉದಯನ್‌ ಕಬ್ಬಿಣದ ಪೆಟ್ಟಿಗೆಯಲ್ಲಿ ಹಾಕಿ, ಮತ್ತೂಂದು ಪೆಟ್ಟಿಗೆಯಲ್ಲಿ ಭದ್ರ ಮಾಡಿ, ಅದರ ಮೇಲೆ ಸಿಮೆಂಟ್‌ ಕಟ್ಟೆ ಕಟ್ಟಿ, ಅಮೃತಶಿಲೆ ಸಮಾಧಿ ನಿರ್ಮಿಸಿದ್ದ. ಇದನ್ನು ಒಡೆಯಲು ಪೊಲೀಸರಿಗೆ 6 ತಾಸು ಬೇಕಾಗಿತ್ತು. ಆಕಾಂಕ್ಷಳ ಬಗ್ಗೆ ಶೋಧ ನಡೆಸಿದ್ದ ಪೊಲೀಸರು ಫೇಸ್‌ಬುಕ್‌ ಮೂಲಕವೇ ಜಾಗ ಮತ್ತೆ ಮಾಡಿದ್ದರು.