Maratha Reserve; ನನ್ನನ್ನು ಕೊಲ್ಲಲು ಫ‌ಡ್ನವೀಸ್‌ ಸಂಚು: ಜಾರಂಗೆ ಆರೋಪ

Team Udayavani, Feb 26, 2024, 12:56 AM IST

ಮುಂಬಯಿ: ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ದೇವೇಂದ್ರ ಫ‌ಡ್ನವೀಸ್‌ ಅವರು ನನ್ನನ್ನು ಕೊಲೆ ಮಾಡಲು ಯತ್ನಿಸುತ್ತಿದ್ದಾರೆ ಎಂದು ಮರಾಠಾ ಮೀಸಲು ಹೋರಾಟಗಾರ ಮನೋಜ್‌ ಜಾರಂಗೆ ಆರೋಪಿಸಿದ್ದಾರೆ.

ರವಿವಾರ ಜಲಾ°ದಲ್ಲಿ ಸುಮಾರು 1 ಗಂಟೆ ಕಾಲ ಮಾಡಿದ ಭಾಷಣದಲ್ಲಿ ಫ‌ಡ್ನವೀಸ್‌ ವಿರುದ್ಧ ಹಲವು ಗಂಭೀರ ಆರೋಪಗಳನ್ನು ಮಾಡಿದ ಜಾರಂಗೆ, “ನನ್ನ ವಿರುದ್ಧ ಸುಳ್ಳು ಆರೋಪಗಳನ್ನು ಹೊರಿಸುವಂತೆ ಕೆಲವರ ಮೇಲೆ ಒತ್ತಡ ಹಾಕಲಾಗುತ್ತಿಗೆ, ಆಮಿಷಗಳನ್ನು ಒಡ್ಡಲಾಗುತ್ತಿದೆ. ಈ ಎಲ್ಲ ಸಂಚಿನ ಹಿಂದೆ ಫ‌ಡ್ನವೀಸ್‌ ಇದ್ದಾರೆ. ಅವರು ನನ್ನನ್ನು ವಿಷ ಹಾಕಿ ಕೊಲ್ಲಲು ಯತ್ನಿಸುತ್ತಿದ್ದಾರೆ. ನಾನು ಬೇಕಿದ್ದರೆ ಈಗಲೇ ಫ‌ಡ್ನವೀಸ್‌ ಅವರ ನಿವಾಸಕ್ಕೆ ಹೋಗಲು ರೆಡಿ’ ಎಂದು ಹೇಳಿದರು.

ಈ ವೇಳೆ, ವೇದಿಕೆಯಲ್ಲಿ ಸ್ವಲ್ಪ ಕಾಲ ಗೊಂದಲ ಉಂಟಾಯಿತು. ಕೆಲವರು ಬಂದು, ಜಾರಂಗೆ ಅವರಿಂದ ಮೈಕ್ರೋಫೋನ್‌ ಕಿತ್ತುಕೊಳ್ಳಲು ಯತ್ನಿಸಿದ್ದೂ ಕಂಡುಬಂತು. ಇದೇ ವೇಳೆ, ರಾಜ್ಯದಲ್ಲಿ ಮರಾಠರ ಪ್ರಭಾವವನ್ನು ಕೊನೆಗಾಣಿಸಲು ಫ‌ಡ್ನವೀಸ್‌ ಯತ್ನಿಸುತ್ತಿದ್ದಾರೆ ಎಂದೂ ಜಾರಂಗೆ ಹೇಳಿದರು.