ಔಷಧ ಬೆಲೆ: ಹೊಸ ತಂತ್ರ

Team Udayavani, Jun 4, 2018, 6:59 AM IST

ಹೊಸದಿಲ್ಲಿ: ದೇಶದಲ್ಲಿ ಔಷಧಗಳ ಬೆಲೆ ನಿಗದಿ ವಿಧಾನವನ್ನೇ ಬದಲಿಸಲು ಕೇಂದ್ರ ಸರಕಾರ ನಿರ್ಧರಿಸಿದೆ. ಪ್ರಸ್ತುತ ಔಷಧ ಬೆಲೆ ನಿಗದಿ ನಿಯಂತ್ರಣ ನೀತಿಯಿಂದ ಹೊರಗಿರುವ ಔಷಧಗಳಿಗೂ ಈ ನೀತಿ ಅನ್ವಯಿಸಲಿದೆ. ಸಂಪೂರ್ಣ ಹೊಸ ಬೆಲೆ ಸೂಚ್ಯಂಕವನ್ನು ನಿರ್ಧರಿಸಲಾಗುತ್ತಿದ್ದು, ಇದು ದೇಶದ ಒಟ್ಟು ಔಷಧ ಬೆಲೆಯ ಮೇಲೆ ಪರಿಣಾಮ ಬೀರಲಿದೆ. ಸದ್ಯ 850 ಔಷಧಗಳ ಬೆಲೆಯನ್ನು ಕೇಂದ್ರ ಸರಕಾರ ನಿಯಂತ್ರಿಸಿದೆ. ಇದು ದೇಶದ ಒಟ್ಟು ಔಷಧದ ಶೇ. 17ರಷ್ಟಾಗಿದೆ. ಆದರೆ ಶೇ. 100ರಷ್ಟು ಔಷಧಗಳ ಬೆಲೆಯನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಈ ಹೊಸ ಸೂಚ್ಯಂಕ ಮಹತ್ವದ್ದಾಗಿರಲಿದೆ. ಈ ನೀತಿ ಜಾರಿಗೆ ಬಂದ ನಂತರ ಔಷಧಗಳ ಬೆಲೆ ಕಡಿಮೆಯಾಗಲಿದೆ. ಔಷಧ ಇಲಾಖೆಯು ಈ ಸಂಬಂಧ ಸೂಚ್ಯಂಕವನ್ನು ಸಿದ್ಧಪಡಿಸುತ್ತಿದ್ದು, ಜೂನ್‌ ಕೊನೆಯ ವಾರದಲ್ಲಿ ಘೋಷಣೆ ಮಾಡುವ ಸಾಧ್ಯತೆಯಿದೆ.