ಹುರಿಯತ್‌ ನಾಯಕರನ್ನು ಮಾತುಕತೆಗೆ ಸೇರಿಸಲು ಮೆಹಬೂಬ ಆಗ್ರಹ

Team Udayavani, Jul 28, 2018, 4:04 PM IST

ಜಮ್ಮು : ಅಧಿಕಾರ ದಾಹದಲ್ಲಿ ತನ್ನ ಪೀಪಲ್ಸ್‌ ಡೆಮೊಕ್ರಾಟಿಕ್‌ ಪಕ್ಷ (ಪಿಡಿಪಿ) ಒಡೆಯುವುದರ ವಿರುದ್ಧ ಕೇಂದ್ರಕ್ಕೆ ಈ ಹಿಂದೆ ಎಚ್ಚರಿಕೆ ನೀಡಿದ್ದ ಪಕ್ಷದ ಮುಖ್ಯಸ್ಥೆ ಮೆಹಬೂಬ ಮುಫ್ತಿ ಇದೀಗ ಕಾಶ್ಮೀರ ವಿಷಯದಲ್ಲಿ ಹುರಿಯತ್‌ ನಾಯಕರನ್ನು ಮಾತುಕತೆಗೆ ಸೇರಿಸಿಕೊಳ್ಳುವಂತೆ ಆಗ್ರಹಿಸಿದ್ದಾರೆ.

‘ರಮ್ಜಾನ್‌ ಸಮಯದಲ್ಲಿ ನಾನು ಕದನ ವಿರಾಮಕ್ಕೆ ಮುತುವರ್ಜಿ ವಹಿಸಿದ್ದೆ; ಹುರಿಯತ್‌ ಬಗ್ಗೆ ಕೇಂದ್ರ ಸರಕಾರ ಧನಾತ್ಮಕ ನಿಲುವು ತೋರಬೇಕೆಂದು ನಾನೀಗ ಕೋರುತ್ತೇನೆ; ಕಾಶ್ಮೀರ ವಿಷಯದಲ್ಲಿ ಹುರಿಯತ್‌ ನಾಯಕರನ್ನು ನಾನು ಮಾತುಕತೆಯ ವೇದಿಕೆಗೆ ಕರೆತರುತ್ತೇನೆ’ ಎಂದು ಮೆಹಬೂಬ ಮುಫ್ತಿ ಅವರು ರಾಲಿಯೊಂದರಲ್ಲಿ ಮಾತನಾಡುತ್ತಾ ಹೇಳಿದರು. 

‘ಪಿಡಿಪಿಯನ್ನು ಒಡೆಯವ ಕೇಂದ್ರ ಯತ್ನ ಅತ್ಯಂತ ವಿನಾಶಕಾರಿಯಾದೀತು’ ಎಂದು ಮೆಹಬೂಬ ಅವರು ಕೇಂದ್ರಕ್ಕೆ ಈ ಸಂದರ್ಭದಲ್ಲಿ ಎಚ್ಚರಿಕೆ ನೀಡಿದರು. ಪಿಡಿಪಿ ನಾಯಕಿ ಬಿಜೆಪಿಯನ್ನು ನೇರವಾಗಿ ಹೆಸರಿಸಿ ದೂರಿಲ್ಲವಾದರೂ ಆಕೆಯ ಗುರಿ ಬಿಜೆಪಿ ಆಗಿತ್ತೆನ್ನುವುದು ಸ್ಪಷ್ಟವಿತ್ತು.