ಮಿಗ್‌-29ಕೆ ವಿಮಾನ ಪತನ, ಪೈಲಟ್‌ ಪಾರು

Team Udayavani, Feb 24, 2020, 3:06 AM IST

ಪಣಜಿ: ಗೋವಾದ ನೌಕಾನೆಲೆ ಐಎನ್‌ಎ ಹಂಸಾದಿಂದ ಕಾರವಾರ ವಾಯು ಮಾರ್ಗ ವಾಗಿ ಭಾನುವಾರ ಬೆಳಗ್ಗೆ ಎಂದಿನಂತೆ ಹಾರಾಟ ನಡೆಸಿದ್ದ ಮಿಗ್‌-29ಕೆ ವಿಮಾನ ಪತನವಾ ಗಿದ್ದು, ಅದೃಷ್ಟವಶಾತ್‌ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ.

ಗೋವಾ ಕರಾವಳಿಯಲ್ಲಿ ಮಿಗ್‌ 29ಕೆ ವಿಮಾನ ಭಾನುವಾರ ತರಬೇತಿ ಹಾರಾಟ ನಡೆಸಿತ್ತು. ಈ ಸಂದರ್ಭದಲ್ಲಿ ಬೆಳಗ್ಗೆ 10:30ಕ್ಕೆ ಅಪಘಾತಕ್ಕೀಡಾಗಿದೆ. ವಿಮಾನದ ಫೈಲಟ್‌ ಸುರಕ್ಷಿತವಾಗಿ ಪ್ಯಾರಾಚೂಟ್‌ ಸಹಾಯದಿಂದ ಹಾರಿದ್ದು, ಅವರನ್ನು ರಕ್ಷಿಸಿದ ಸ್ಥಳೀಯರು ಪ್ರಥಮ ಚಿಕಿತ್ಸೆ ಕೊಡಿಸಿದ ಬಳಿಕ ಗೋವಾ ನೌಕಾನೆಲೆಗೆ ಕಳುಹಿಸಲಾಗಿದೆ.

ಈ ಕುರಿತು ಹೇಳಿಕೆ ಬಿಡುಗಡೆ ಮಾಡಿರುವ ಭಾರತೀಯ ನೌಕಾಪಡೆ, ಅಪಘಾತ ಹೇಗೆ ಸಂಭವಿಸಿತು ಎಂಬ ಬಗ್ಗೆ ತನಿಖೆ ನಡೆಸಲು ಆದೇಶಿಸಲಾಗಿದೆ ಎಂದು ತಿಳಿಸಿದೆ. ಮಿಗ್‌ 29ಕೆ ವಿಮಾನದ ಬಲಭಾಗಕ್ಕೆ ಪಕ್ಷಿ ಅಪ್ಪಳಿಸಿದ್ದರಿಂದ ಈ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ. ಅದೃಷ್ಟವಷಾತ್‌ ನಿರ್ಜನ ಪ್ರದೇಶದಲ್ಲಿ ವಿಮಾನ ಪತನವಾಗಿದ್ದರಿಂದ ಯಾವುದೇ ಅನಾಹುತವಾಗಿಲ್ಲ.