ಜಮ್ಮು ಕಾಶ್ಮೀರ: ಪೊಲೀಸರ 4 ಬಂದೂಕು ಕಸಿದು ಉಗ್ರರು ಪರಾರಿ

Team Udayavani, Apr 26, 2018, 12:03 PM IST

ಶ್ರೀನಗರ : ಜಮ್ಮು ಕಾಶ್ಮೀರದ ಬಡಗಾಂವ್‌ ಜಿಲ್ಲೆಯಲ್ಲಿ ದೇವಾಲಯವೊಂದರಲ್ಲಿ ಕಾವಲಿದ್ದ ಪೊಲೀಸರಿಂದ ಉಗ್ರರು ನಾಲ್ಕು ಸರ್ವಿಸ್‌ ರೈಫ‌ಲ್‌ ಕಿತ್ತುಕೊಂಡು ಪರಾರಿಯಾದ ಘಟನೆ ವರದಿಯಾಗಿದೆ.

ಬಡಗಾಂವ್‌ ಜಿಲ್ಲೆಯ ಗೋರಿಪೋರ ಎಂಬಲ್ಲಿ ದೇವಸ್ಥಾನವೊಂದರ ಭದ್ರತೆಗಾಗಿ ರೂಪಿಸಲಾಗಿದ್ದ ಪೊಲೀಸ್‌ ಪೋಸ್ಟ್‌ ಒಂದರ ಮೇಲೆ ನಿನ್ನೆ ಮಂಗಳವಾರ ರಾತ್ರಿ ಉಗ್ರರು ದಾಳಿ ನಡೆಸಿ ಅಲ್ಲಿದ್ದ ಪೊಲೀಸರಿಂದ ನಾಲ್ಕು ಸರ್ವಿಸ್‌ ರೈಫ‌ಲ್‌ಗ‌ಳನ್ನು ಕಿತ್ತುಕೊಂಡು ಪರಾರಿಯಾದರು ಎಂದು ಪೊಲೀಸ್‌ ಅಧಿಕಾರಿ ತಿಳಿಸಿದ್ದಾರೆ.

ಭದ್ರತಾ ಪಡೆಗಳು ಇಡಿಯ ಪ್ರದೇಶವನ್ನು ಸುತ್ತುವರಿದಿದ್ದಾರೆ. ಪರಾರಿಯಾಗಿರುವ ಉಗ್ರರಿಗಾಗಿ ಶೋಧ ಕಾರ್ಯ ನಡೆಸಿದ್ದಾರೆ. ಈ ನಡುವೆ ಘಟನೆಯ ಬಗ್ಗೆ ಆಂತರಿಕ ತನಿಖೆಯನ್ನೂ ಆದೇಶಿಸಲಾಗಿದೆ.