ಎಂಎನ್‌ಎಸ್‌ ಅಧ್ಯಕ್ಷ ರಾಜ್‌ ಠಾಕ್ರೆಗೆ ಕೋವಿಡ್

Team Udayavani, Oct 23, 2021, 9:30 PM IST

ಮುಂಬಯಿ: ಎಂಎನ್‌ಎಸ್‌ ಅಧ್ಯಕ್ಷ ರಾಜ್‌ ಠಾಕ್ರೆ ಅವರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಈ ಹಿನ್ನೆಲೆ ಶನಿವಾರ ನಡೆಯಬೇಕಾಗಿದ್ದ ಎಂಎನ್‌ಎಸ್‌ ಕಾರ್ಯಕರ್ತರ ಸಭೆ ಮುಂದೂಡಲ್ಪಟ್ಟಿದೆ.

ಕಳೆದ ಎರಡು ದಿನಗಳಿಂದ ರಾಜ್‌ ಠಾಕ್ರೆಯವರಿಗೆ ಜ್ವರದ ಲಕ್ಷಣ ಕಾಣಿಸಿಕೊಂಡಿದ್ದು, ಶನಿವಾರ ಬೆಳಗ್ಗೆ ಲೀಲಾವತಿ ಆಸ್ಪತ್ರೆಗೆ ಭೇಟಿ ನೀಡಿ ಕೊರೊನಾ ಪರೀಕ್ಷೆ ನಡೆಸಿದ ಸಂದರ್ಭ ಸೋಂಕಿಗೆ ಒಳಗಾಗಿರುವುದು ದೃಡಪಟ್ಟಿದೆ. ಇದರೊಂದಿಗೆ ಠಾಕ್ರೆ ಅವರ ತಾಯಿ ಮತ್ತು ಸಹೋದರಿಗೂ ಕೊರೊನಾದ ಸೌಮ್ಯ ಲಕ್ಷಣ ಇರುವುದು ಕಂಡುಬಂದಿದೆ. ಅವರನ್ನು ಹೋಮ್‌ ಕ್ವಾರಂಟೈನ್‌ಗೆ ಒಳಪಡಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ ರಾಜ್‌ ಠಾಕ್ರೆ ಅವರ ಕುಟುಂಬದ ಇತರ ಸದಸ್ಯರ ಕೊರೊನಾ ವರದಿಗಳ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಬಂದಿಲ್ಲ.