Modi 3.0 Cabinet:ಕೇಂದ್ರ ಸಚಿವರಾಗಿ ನಿರ್ಮಲಾ, ನಿತಿನ್‌ ಗಡ್ಕರಿ ಅಧಿಕಾರ ಸ್ವೀಕಾರ

Team Udayavani, Jun 12, 2024, 11:13 PM IST

ಹೊಸದಿಲ್ಲಿ: ಪ್ರಧಾನಿ ಮೋದಿ 3.0 ಸರಕಾರದಲ್ಲಿ ಕೇಂದ್ರ ಹಣ ಕಾ ಸು ಸಚಿವರಾಗಿ ನಿರ್ಮಲಾ ಸೀತಾರಾಮನ್‌ ಹಾಗೂ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವರಾಗಿ ನಿತಿನ್‌ ಗಡ್ಕರಿ ಬುಧವಾರ ಅಧಿಕಾರ ಸ್ವೀಕರಿಸಿದ್ದಾರೆ.

ಎರಡನೇ ಬಾರಿ ಹಣಕಾಸು ಸಚಿವರಾದ ನಿರ್ಮಲಾ ಅವರು, ಶೀಘ್ರ 2024-25 ಸಾಲಿನ ಬಜೆಟ್‌ ಮಂಡಿಸಲಾಗುವುದು. ಜನರ ಕಲ್ಯಾಣಕ್ಕಾಗಿ ಕೇಂದ್ರ ಸರಕಾರ ಕಾರ್ಯನಿರ್ವಹಿಸಲು ಬದ್ಧವಾಗಿದೆ. 2014ರಿಂದ ಆರಂಭವಾದ ಆರ್ಥಿಕ ಸುಧಾರಣೆಗಳು ಮುಂದುವರಿಯಲಿದ್ದು, ದೇಶದ ಆರ್ಥಿಕ ಸ್ಥಿರತೆ ಹಾಗೂ ಪ್ರಗತಿಗೆ ಕ್ರಮ ಕೈಗೊ ಳ್ಳುವುದಾಗಿ ತಿಳಿಸಿದ್ದಾರೆ. ಕೇಂದ್ರದ ರಸ್ತೆ ಸಾರಿಗೆ ಹಾಗೂ ಹೆದ್ದಾರಿ ಸಚಿವ ನಿತಿನ್‌ ಗಡ್ಕರಿ ಸಹ ಅಧಿಕಾರ ಸ್ವೀಕರಿಸಿದ್ದು, ಕೇಂದ್ರ ಸರಕಾರದಲ್ಲಿ ಮತ್ತೆ ಕಾರ್ಯನಿರ್ವಹಿಸಲು ಅವಕಾಶ ಒದಗಿಸಿದ್ದಕ್ಕೆ ಪ್ರಧಾನಿ ಮೋದಿ ಅವರಿಗೆ ಕೃತಜ್ಞತೆ ತಿಳಿಸಿದ್ದಾರೆ.

“ಭಾರತದ ಹೈವೇ ಮ್ಯಾನ್‌’ ಎಂದೇ ಖ್ಯಾತರಾದ ಗಡ್ಕರಿ ಅವರು, ಕಳೆದ 10 ವರ್ಷಗಳಲ್ಲಿ 54 ಸಾವಿರಕ್ಕೂ ಅಧಿಕ ಕಿ.ಮೀ. ಹೆದ್ದಾರಿ ನಿರ್ಮಿಸಿದ್ದಾರೆ. ಅವರ ನೇತೃತ್ವದಲ್ಲಿ ವರ್ಷಾಂತ್ಯದವರೆಗೆ 1,386 ಕಿ.ಮೀ.ನ ದಿಲ್ಲಿ-ಮುಂಬಯಿ ಹೆದ್ದಾರಿ ನಿರ್ಮಿಸಲು ಸಚಿವಾಲಯ ಗುರಿ ಹೊಂದಿದೆ.