Narendra Modi: ಭೂಕಂಪದ ಮುನ್ನೆಚ್ಚರಿಕೆ ವ್ಯವಸ್ಥೆ ಅಭಿವೃದ್ಧಿಪಡಿಸಲು ಮೋದಿ ಕರೆ

Team Udayavani, Jan 15, 2025, 6:16 AM IST

ಹೊಸದಿಲ್ಲಿ: ಭೂಕಂಪದ ಮುನ್ನೆಚ್ಚರಿಕೆ ವ್ಯವ್ಯಸ್ಥೆಯನ್ನು ಅಭಿವೃದ್ಧಿಪಡಿಸುವತ್ತ ಗಮನ ಹರಿಸುವಂತೆ ವಿಜ್ಞಾನಿಗಳಿಗೆ ಪ್ರಧಾನಿ ಮೋದಿ ಕರೆ ನೀಡಿದ್ದಾರೆ.

ದಿಲ್ಲಿಯಲ್ಲಿ ಭಾರತೀಯ ಹವಾಮಾನ ಸಂಸ್ಥೆಯ 150ನೇ ವರ್ಷಾಚರಣೆಯಲ್ಲಿ ಮಾತನಾಡಿದ ಅವರು ಭೂಕಂಪದ ಬಗ್ಗೆ ಮೊದಲೇ ಮುನ್ಸೂಚನೆ ಲಭಿಸುವುದರಿಂದ ಸಂಭಾವ್ಯ ಹಾನಿ ತಡೆಗಟ್ಟಲು ಸಾಧ್ಯ ಎಂದರು. ಇದೇ ವೇಳೆ ಅರಣ್ಯ ಪ್ರದೇಶದಲ್ಲಿರುವ ಆದಿವಾಸಿ ಮಕ್ಕಳು ಕೇವಲ ವಾಸನೆಯ ಮೂಲಕ ಸಂಭಾವ್ಯ ಕಾಡ್ಗಿಚ್ಚನ್ನು ಗ್ರಹಿಸುತ್ತಾರೆ. ಈ ಬಗ್ಗೆಯೂ ವೈಜ್ಞಾನಿಕ ಅಧ್ಯಯನ ನಡೆಯಬೇಕು ಎಂದು  ಮೋದಿ ಹೇಳಿದ್ದಾರೆ.

“ಮಿಷನ್‌ ಮೌಸಮ್‌’ಗೆ ಪ್ರಧಾನಿ ಮೋದಿ ಚಾಲನೆ

ಹವಾಮಾನ ಮುನ್ಸೂಚನೆ ಬಗ್ಗೆ ಖಚಿತ, ನಿಖರ ಮುನ್ನೆಚ್ಚರಿಕೆ ನೀಡುವಂಥ, ಅತ್ಯಾಧುನಿಕ ಹವಾಮಾನ ಕಣ್ಗಾವಲು ವ್ಯವಸ್ಥೆ ಮಿಷನ್‌ ಮೌಸಮ್‌ಗೆ ಪ್ರಧಾನಿ ಮೋದಿ ಚಾಲನೆ ನೀಡಿದರು. ಮುಂದಿನ ತಲೆಮಾರಿನ ರೇಡಾರ್‌ಗಳು, ಆಧುನಿಕ ಕಂಪ್ಯೂ ಟರ್‌ಗಳು, ಉಪಗ್ರಹಗಳ ಮೂಲಕ ಇನ್ನು ಮುಂದೆ ಹವಾಮಾನ ಇಲಾಖೆ ನಿಖರ ಮುನ್ಸೂಚನೆಗಳನ್ನು ನೀಡಲಿದೆ.