ಮಹಿಳಾ ಸಾಧಕಿಯರ ಶ್ಲಾಘಿಸಿದ ಮೋದಿ

Team Udayavani, Mar 5, 2020, 10:02 PM IST

ನವದೆಹಲಿ: ವಿವಿಧ ರಂಗಗಳಲ್ಲಿ ಮಹಿಳೆಯರು ನೀಡಿರುವ ಕೊಡುಗೆಯನ್ನು ಶ್ಲಾಘಿಸಿರುವ ಪ್ರಧಾನಿ ನರೇಂದ್ರ ಮೋದಿ, ಮಹಿಳಾ ಶಕ್ತಿಯು ಈ ದೇಶವನ್ನು ಸಂರಕ್ಷಿಸುತ್ತಿದೆ. ಅತ್ಯುನ್ನತ ಸಾಧನೆ ಮಾಡಿದ ಮಹಿಳೆಯರ ಹಲವಾರು ಸ್ಫೂರ್ತಿಯುತ ಕತೆಗಳನ್ನು ತಾವು ಕೇಳುತ್ತಲೇ ಬಂದಿರುವುದಾಗಿ ಟ್ವೀಟ್‌ ಮಾಡಿದ್ದಾರೆ.

“”ನಮ್ಮ ದೇಶದ ಮಹಿಳಾ ಉದ್ಯಮಿಗಳು ಸ್ಫೂರ್ತಿಯ ಚಿಲುಮೆಗಳು. ನಾರಿ ಶಕ್ತಿಯು ಈ ದೇಶವನ್ನು ರಕ್ಷಿಸುತ್ತಿದೆ. ಕ್ರೀಡಾ ಜಗತ್ತಿನಲ್ಲಿ ಹಾಗೂ ನಾಯಕತ್ವ ಗುಣಗಳಲ್ಲಿ ಮಹಿಳೆಯರು ಔನ್ನತ್ಯವನ್ನು ಸಾಧಿಸಿದ್ದಾರೆ. ಕೃಷಿ ಕ್ಷೇತ್ರದಲ್ಲೂ ಮಹಿಳಾ ರೈತರು ಪ್ರಗತಿ ಸಾಧಿಸಿ ತೋರಿಸಿದ್ದಾರೆ. ಇಂಥ ಎಲ್ಲಾ ಮಹಿಳಾ ಸಾಧಕಿಯರ ಸಾಧನೆಯ ಕತೆಗಳನ್ನು ನಾನು ಪ್ರತಿದಿನವೂ ಕೇಳುತ್ತಿದ್ದೇನೆ. ಇಂಥ ಕಥೆಗಳನ್ನು #SheInspiresUs ಹ್ಯಾಶ್‌ಟ್ಯಾಗ್‌ನಡಿ ಹಂಚಿಕೊಳ್ಳಿ” ಎಂದು ಅವರು ತಮ್ಮ ಟ್ವೀಟ್‌ ಮೂಲಕ ಕರೆ ನೀಡಿದ್ದಾರೆ.

ಇತ್ತೀಚೆಗೆ ಅವರು ಟ್ವೀಟ್‌ ಮಾಡಿ, ಈ ಬಾರಿಯ ಮಹಿಳಾ ದಿನಾಚರಣೆಯಂದು ತಮ್ಮ ಸಾಮಾಜಿಕ ಜಾಲತಾಣಗಳ ಖಾತೆಗಳನ್ನು ಮಹಿಳಾ ಸಾಧಕಿಯರಿಗೆ ಸಮರ್ಪಿಸುವುದಾಗಿ ತಿಳಿಸಿದ್ದಾರೆ.