![1-var](https://www.udayavani.com/wp-content/uploads/2025/02/1-var-415x265.jpg)
![1-var](https://www.udayavani.com/wp-content/uploads/2025/02/1-var-415x265.jpg)
Team Udayavani, Aug 27, 2024, 8:15 PM IST
ಭೋಪಾಲ್: ಮೊಬೈಲ್ ಫೋನ್ನಲ್ಲೇ ಕಾಲ ಕಳೆಯುವ ಮಕ್ಕಳನ್ನು ತಾಯಂದಿರು ಬೈಯುವುದು ವಾಡಿಕೆ. ಆದರೆ, ಮಧ್ಯಪ್ರದೇಶದ ಇಂದೋರ್ನಲ್ಲಿ ನಡೆದ ಘಟನೆಯಲ್ಲಿ ತನ್ನ ಮೊಬೈಲ್ ಬಳಕೆ ಮಾಡಿದ್ದಾನೆ ಎಂಬ ಕಾರಣಕ್ಕೆ ತಾಯಿಯೇ ಮಗನ ಮೇಲೆ ಕುಡುಗೋಲಿನಿಂದ ಹಲ್ಲೆ ನಡೆಸಿ ಗಾಯಗೊಳಿಸಿದ್ದಾಳೆ.
ಗಾಯಗೊಂಡ 13 ವರ್ಷದ ಮಗ ತಾಯಿಯ ವಿರುದ್ಧವೇ ಪೊಲೀಸರಿಗೆ ದೂರು ನೀಡಿದ್ದಾನೆ. ಶಾಲೆಯಿಂದ ಬಂದಿರುವ ಮೆಸೇಜ್ಗಳನ್ನು ನೋಡುತ್ತಿದ್ದೆ. ಈ ಸಂದರ್ಭದಲ್ಲಿ ತಾಯಿ ಕುಡುಗೋಲಿನಿಂದ ಹಲ್ಲೆ ನಡೆಸಿದ್ದಾಳೆ ಎಂದು ಮಗ ಆರೋಪಿಸಿದ್ದಾನೆ.
ಕುಡುಗೋಲಿನಿಂದ ತಾಯಿ ಹಲ್ಲೆ ನಡೆಸಲು ಪ್ರಯತ್ನಿಸಿದಾಗ ಬಾಲಕನ ಎಡಕೈಗೆ ಗಾಯಗಳಾಗಿದ್ದು, ಚಿಕಿತ್ಸೆ ನೀಡಲಾಗಿದೆ. ಪ್ರಕರಣದಲ್ಲಿ ಇದು ವರೆಗೆ ಯಾರನ್ನೂ ಬಂಧಿಸಲಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
You seem to have an Ad Blocker on.
To continue reading, please turn it off or whitelist Udayavani.