Lucknow: ಫೋನಿನಲ್ಲಿ ಬ್ಯುಸಿಯಾದ ತಾಯಿ; 3 ವರ್ಷದ ಮಗುವಿನ ಮೇಲೆ ಹರಿದ ಕಾರು

Team Udayavani, Sep 14, 2023, 3:39 PM IST

ಲಕ್ನೋ: ಕಾರು ಹರಿದ ಪರಿಣಾಮ 3 ವರ್ಷದ ಮಗು ಸ್ಥಳದಲ್ಲೇ ಮೃತಪಟ್ಟ ದಾರುಣ ಘಟನೆ ಉತ್ತರ ಪ್ರದೇಶದ ಲಕ್ನೋದಲ್ಲಿ ನಡೆದಿದೆ.

ಘಟನೆ ಹಿನ್ನೆಲೆ: ಲಕ್ನೋದಲ್ಲಿರುವ  ಸಿಲ್ವರ್ ಹೈಟ್ ಅಪಾರ್ಟ್‌ಮೆಂಟ್‌ನ ಮುಖ್ಯದ್ವಾರದ ಬಳಿ ಮಹಿಳೆಯೊಬ್ಬರು ಫೋನಿನಲ್ಲಿ ಮಾತನಾಡುತ್ತ, ಮಗುವನ್ನು ಅಲ್ಲೇ ಕೆಳಗೆ ಕೂರಿಸಿದ್ದರು. ಮಗು ಆಡುತ್ತಾ ಆಡುತ್ತಾ ಗೇಟ್‌ ನ ಮುಂಭಾಗದಲ್ಲಿ ಕೂತಿದೆ.  ತಾಯಿ ಅತ್ತ ಗಮನಿಸದೆ ಫೋನಿನಲ್ಲಿ ಮಾತನಾಡುವುದರಲ್ಲಿನ ನಿರತರಾಗಿದ್ದಾರೆ.

ಈ ವೇಳೆ ಕಾರೊಂದು ಗೇಟ್‌ ಯೊಳಗೆ ಬಂದಿದೆ. ವೇಗವಾಗಿ ಬಂದ ಕಾರು ಕೂತಿದ್ದ ಮಗುವಿನ ಮೇಲೆ ಹರಿದು ಸೀದಾ ಮುಂದೆ ಹೋಗಿದೆ. ಪರಿಣಾಮ  ಮಗು ಸ್ಥಳದಲ್ಲೇ ಮೃತಪಟ್ಟಿದೆ.

ಇದನ್ನೂ ಓದಿ: Malpe; ಗ್ರಾನೈಟ್ ಬಿದ್ದು ಒಡಿಶಾ ಮೂಲದ ಕಾರ್ಮಿಕರಿಬ್ಬರ ದುರ್ಮರಣ

ಈ ಘಟನೆಯ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ಸೆರೆಯಾಗಿದೆ. ಸದ್ಯ ಮೃತ ಮಗುವಿನ ತಂದೆ ದುರ್ಗೇಶ್ ಗುಪ್ತ ಈ ಕುರಿತು  ಪೊಲೀಸರಿಗ ದೂರು ನೀಡಿದ್ದಾರೆ. ಪೊಲೀಸರು ಘಟನಾ ಸ್ಥಳಕ್ಕೆ ಆಗಮಿಸಿ ಕಾರನ್ನು ವಶಪಡಿಸಿಕೊಂಡಿದ್ದಾರೆ. ಮಗುವಿನ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.

ಸದ್ಯ ಕಾರು ಚಾಲಕನಿಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.