ಮುಖೇಶ್‌ ಏಷ್ಯಾ ಸಿರಿವಂತ

Team Udayavani, Nov 2, 2017, 6:20 AM IST

ನವದೆಹಲಿ: ರಿಲಯನ್ಸ್‌ ಇಂಡಸ್ಟ್ರೀಸ್‌ ಮುಖ್ಯಸ್ಥ ಮುಖೇಶ್‌ ಅಂಬಾನಿ ಏಷ್ಯಾದ ನಂಬರ್‌ ಒನ್‌ ಶ್ರೀಮಂತ ಎಂಬುದಾಗಿ ಫೋಬ್ಸ್ì ನಿಯತಕಾಲಿಕೆ ಪ್ರಕಟಿಸಿದ ಪಟ್ಟಿ ಯಲ್ಲಿ ದಾಖಲಿಸಲಾಗಿದೆ. ಮುಖೇಶ್‌ ಒಟ್ಟು ಆಸ್ತಿ 2.73 ಲಕ್ಷ ಕೋಟಿ ರೂ. ಆಗಿದ್ದು, ಮುಖೇಶ್‌ ವೈಯಕ್ತಿಕ ಆಸ್ತಿಯೇ 2 ಸಾವಿರ ಕೋಟಿ ರೂ. ಆಗಿದೆ. ಇನ್ನೊಂದೆಡೆ ಚೀನಾದ ಎವರ್‌ಗ್ರಾಂಡೆ ಗ್ರೂಪ್‌ನ ಮುಖ್ಯಸ್ಥ ಹುಯ ಕಾ ಯಾನ್‌ ಸಂಪತ್ತು 8 ಸಾವಿರ ಕೋಟಿ ರೂ. ಇಳಿಕೆಯಾಗಿ, 2.63 ಸಾವಿರ ಕೋಟಿ ರೂ. ಆಗಿದೆ.

ಶ್ರೀಮಂತರ ನೈಜ ಸಮಯದ ಸ್ವತ್ತು ಆಧರಿಸಿ ಈ ಪಟ್ಟಿ ನಿರ್ಧರಿಸಲಾಗುತ್ತದೆ. ಅಂದರೆ ಷೇರು ಮೌಲ್ಯವನ್ನೂ ಈ ಪಟ್ಟಿಯಲ್ಲಿ ಪರಿಗಣಿಸಲಾಗುತ್ತದೆ. ಮುಖೇಶ್‌ ಅಂಬಾನಿ ಒಡೆತನದ ರಿಲಯನ್ಸ್‌ ಇಂಡಸ್ಟ್ರೀಸ್‌ ಷೇರು ಮೌಲ್ಯವು ವರ್ಷದಿಂದ ವರ್ಷಕ್ಕೆ ಗಮನಾರ್ಹವಾಗಿ ಏರಿಕೆ ಕಂಡಿದ್ದು, ಬುಧವಾರ 952.30 ರೂ. ಆಗಿದೆ.

ಜಾಗತಿಕವಾಗಿ ಫೋಬ್ಸ್ì ಪಟ್ಟಿಯಲ್ಲಿ ಮುಖೇಶ್‌ 14ನೇ ಸ್ಥಾನದಲ್ಲಿದ್ದಾರೆ. ಈ ವರ್ಷ ಮುಖೇಶ್‌ ವೈಯಕ್ತಿಕ ಸಂಪತ್ತು ಭಾರಿ ಪ್ರಮಾಣದಲ್ಲಿ ಏರಿಕೆ ಕಂಡಿದ್ದು, ಷೇರು ಶೇ. 75ರಷ್ಟು ಏರಿಕೆಯಾಗಿದೆ. ಕಳೆದ ತಿಂಗಳು ರಿಲಯನ್ಸ್‌ ಇಂಡಸ್ಟ್ರೀಸ್‌ ತ್ತೈಮಾಸಿಕ ವರದಿಯಲ್ಲಿ ಭಾರಿ ಪ್ರಮಾಣದಲ್ಲಿ ಲಾಭವನ್ನು ಪ್ರಕಟಿಸಿತ್ತು. ತೈಲ ಸಂಸ್ಕರಣೆ ಹಾಗೂ ಪೆಟ್ರೋಕೆಮಿಕಲ್‌ ಮಾರ್ಜಿನ್‌ನಲ್ಲಿ ಏರಿಕೆಯಾಗಿದ್ದರಿಂದ ಸಂಸ್ಥೆ  ಲಾಭ ಗಳಿಸಿದೆ.