ಹೈಟೆಕ್ ವೇಶ್ಯಾವಾಟಿಕೆ ದಂಧೆ ಬೇಧಿಸಿದ ಮುಂಬೈ ಪೊಲೀಸರು: ಖ್ಯಾತ ನಟಿಯ ಬಂಧನ

Team Udayavani, Apr 22, 2023, 9:52 AM IST

ಮುಂಬೈ: ಹೈಟೆಕ್ ವೇಶ್ಯಾವಾಟಿಕೆ ದಂಧೆಯೊಂದನ್ನು ಬೇಧಿಸಿರುವ ಮುಂಬೈ ಪೊಲೀಸರು ಪ್ರಕರಣಕ್ಕೆ ಸಂಬಂಧಿಸಿದಂತೆ ಭೋಜಪುರಿ ನಟಿಯೊಬ್ಬಳನ್ನು ಬಂಧಿಸಿದ್ದಾರೆ. ಪೊಲೀಸರ ಪ್ರಕಾರ, ಅವರ ಸಾಮಾಜಿಕ ಜಾಲತಾಣ ಶಾಖೆಯು ಕಾರ್ಯಾಚರಣೆಯನ್ನು ನಡೆಸಿದೆ.

ಸುಮನ್ ಕುಮಾರಿ ಎಂಬ ನಟಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ರಾಯಲ್ ಪಾಮ್ ಹೋಟೆಲ್‌ ನಲ್ಲಿ ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಲಭಿಸಿದೆ. ದುಷ್ಕರ್ಮಿಗಳನ್ನು ಬಲೆಗೆ ಬೀಳಿಸಲು ಪೊಲೀಸರು ಸುಮನ್ ಕುಮಾರಿ ಎಂಬ ನಕಲಿ ಗ್ರಾಹಕರನ್ನು ಹೋಟೆಲ್‌ ಗೆ ಕಳುಹಿಸಿದ್ದಾರೆ. ಅದೇ ಹೆಸರಿನ ನಟಿ ಬಲೆಗೆ ಬಿದ್ದು ಒಪ್ಪಂದಕ್ಕೆ ಒಪ್ಪಿಕೊಂಡಿದ್ದಾಳೆ. ಪ್ರತಿ ಮಾಡೆಲ್‌ ಗೆ 50,000 ರಿಂದ 80,000 ರೂಪಾಯಿ ಬೆಲೆ ನೀಡುವ ಮಾತುಕತೆ ನಡೆಸುತ್ತಿದ್ದಾಗ ಸಿಕ್ಕಿಬಿದ್ದಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ನಟಿಯು ಸದ್ಯ ಪೊಲೀಸ್ ಕಸ್ಟಡಿಯಲ್ಲಿದ್ದು, ಇತರ ವಿಚಾರಣೆ ನಡೆಸಲಾಗುತ್ತಿದೆ. ಇಂತಹ ಹೈ-ಪ್ರೊಫೈಲ್ ದಂಧೆಗಳ ಬೆಳವಣಿಗೆಯ ಬಗ್ಗೆ ಪೊಲೀಸರು ಕಳವಳ ವ್ಯಕ್ತಪಡಿಸಿದ್ದು, ಯಾವುದೇ ಅನುಮಾನಾಸ್ಪದ ಚಟುವಟಿಕೆಗಳನ್ನು ತಕ್ಷಣವೇ ವರದಿ ಮಾಡುವಂತೆ ಸಾರ್ವಜನಿಕರನ್ನು ಒತ್ತಾಯಿಸಿದ್ದಾರೆ.

ಇದನ್ನೂ ಓದಿ:IPL 2023 “ಇದು ಕೊನೆಯ ಹಂತ…” ನಿವೃತ್ತಿಯ ಸುಳಿವು ನೀಡಿದ ಮಹೇಂದ್ರ ಸಿಂಗ್ ಧೋನಿ

ಪೊಲೀಸರ ಪ್ರಕಾರ, 24 ವರ್ಷದ ನಟಿ ಸುಮನ್ ಗ್ರಾಹಕರಿಗೆ ಮಾಡೆಲ್ ಗಳನ್ನು ಸರಬರಾಜು ಮಾಡುತ್ತಿದ್ದಳು. ಚಿತ್ರರಂಗದಲ್ಲಿ ಮಿಂಚಲೆಂದು ಮುಂಬೈಗೆ ಬರುವ ನಟಿಯರು ತಮ್ಮ ಆರಂಭಿಕ ದಿನಗಳಲ್ಲಿ ಹಣಕಾಸಿನ ಸಮಸ್ಯೆ ಅನುಭವಿಸುತ್ತಿರುತ್ತಾರೆ. ಅಂತವರನ್ನು ಸಂಪರ್ಕಿಸುವ ಈಕೆ ಅವರನ್ನು ಈ ದಂಧೆಗೆ ನೂಕುತ್ತಾಳೆ.

ಹಲವು ಭೋಜಪುರಿ ಚಿತ್ರಗಳಲ್ಲಿ ನಟಿಸಿರುವ ಸುಮನ್ ಕುಮಾರಿ ಕಾಮಿಡಿ ಶೋಗಳಲ್ಲಿಯೂ ನಟಿಸಿದ್ದಾಳೆ. ಓಟಿಟಿಯಲ್ಲೂ ಕೆಲಸ ಮಾಡಿರುವ ಈಕೆ ಮುಂಬೈನಲ್ಲಿ ಹೈ ಪ್ರೊಫೈಲ್ ದಂಧೆಯ ಬ್ರೋಕರ್ ಆಗಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.